Qishloq xo‘jaligida tuproqning agrokimyoviy tahlil tizimini takomillashtirish, ekin yerlarida tuproqning unumdorligini oshirish chora-tadbirlari to‘G‘risida

7-bob. Tuproqning agrokimyoviy tahlilini yakuniy vedomostini tuzish

33. Tuproqning agrokimyoviy tahlili ko‘rsatkichlarining turli parametrlari bo‘yicha maydonlar taqsimlanishining yakuniy vedomosti maydonlar hisoblanishi nazarda tutilgan barcha yer turlari bo‘yicha fermer xo‘jaliklari va massivlar uchun tuziladi.

34. Hisob-kitoblar natijalari agrokimyoviy kartogrammaning eksplikatsiyasiga va ozuqa elementlari miqdorlarini saqlovchi maydonlar to‘g‘risidagi hisobotlar yakuniy vedomostga yoziladi. Bu vedomostlar tuproqning agrokimyoviy tahlili bo‘yicha tushuntirish xatlarida keltiriladi.

Tuproqning agrokimyoviy tahlilini o‘tkazuvchi tashkilotlarda tahlil natijalarini tizimlashtirish maqsadida tuproqning agrokimyoviy tahlili natijalari kartotekasi tuziladi.

35. Qishloq xo‘jaligi tashkilotlarida tuproqning agrokimyoviy tahlili natijalari kartochkasi kartotekaning asosini tashkil etadi. Kartotekalar ma’muriy tumanlar bo‘yicha guruhlanadi.

36. Tuproqning agrokimyoviy tahlili natijalari viloyat qishloq xo‘jaligi boshqarmasi va uning tuman bo‘limlariga, viloyat yer resurslari va davlat kadastri boshqarmasi hamda uning tuman bo‘limlariga yuk xatlari orqali topshiriladi.

37. Tuproqning agrokimyoviy tahlili bo‘yicha yakuniy ma’lumotlarni ko‘rib chiqish yuzasidan har bir tumanda komissiya tuziladi. Mazkur komissiya tarkibiga tuman hokimining o‘rinbosari (rais), tuman yer resurslari va davlat kadastri bo‘limi boshliqlari (rais o‘rinbosari), tuman qishloq xo‘jaligi bo‘limi, tuman fermer, dehqon xo‘jaliklari va tomorqa yer egalari kengashi boshliqlari kiritiladi.

38. Tuman komissiyasi tuproqning agrokimyoviy tahlili bo‘yicha yakuniy ma’lumotlarni uni topshirilgan kunidan boshlab 10 kun muddat ichida ko‘rib chiqadi va ishlab chiqarishga tatbiq etish uchun tuman hokimining qarori bilan tasdiqlaydi.

Tuproqning agrokimyoviy tahlilini olib borish tartibi to‘g‘risida nizomga
ILOVA