Qishloq xo‘jaligida tuproqning agrokimyoviy tahlil tizimini takomillashtirish, ekin yerlarida tuproqning unumdorligini oshirish chora-tadbirlari to‘G‘risida

4-bob. Tuproqning agrokimyoviy tahlili bo‘yicha dala ishlarini tashkil qilish

15. Dala ishlarini bajarishga kirishish arafasida mutaxassislar kerakli anjomlar, asbob-uskunalar bilan ta’minlanadi.

16. Mutaxassis tumanga kelgandan so‘ng o‘g‘itlar va boshqa kimyoviy vositalarni qo‘llash, agrotexnik tadbirlar, o‘tkazilgan meliorativ ishlar, oxirgi 3-5 yilda qishloq xo‘jaligi ekinlari hosildorligi to‘g‘risidagi va boshqa kerakli ma’lumotlarni yig‘adi.

17. Tuproqshunos-agrokimyogar pasportlashtiriladigan uchastkalar (alohida ishlov beriluvchi yoki ish maydonlari) sxemasini tuzadi.

18. Birlashtirilgan tuproq namunalari ekinlarning butun vegetatsiya davrida olinadi.

19. Faqat organik o‘g‘itlar qo‘llaniladigan dalalardan birlashtirilgan tuproq namunalari ekinlarning butun vegetatsiya davrida olinadi.

20. “Davyergeodezkadastr” qo‘mitasi hamda Qishloq xo‘jaligi vazirligining tegishli tashkilotlari tomonidan tayyorlangan qishloq xo‘jaligi yerlaridan foydalanish tarhi, tuproqning agrokimyoviy tahlilini o‘tkazishda, yer uchastkasi konturlari chegarasi va ishchi maydonchalar chegaralarini tushirishda asos bo‘lib xizmat qiladi.