Qishloq xo‘jaligida tuproqning agrokimyoviy tahlil tizimini takomillashtirish, ekin yerlarida tuproqning unumdorligini oshirish chora-tadbirlari to‘G‘risida

2-bob. Tuproqning agrokimyoviy tahlilini olib borish ishlarini tashkil etish

6. Tuproqning agrokimyoviy tahlilini o‘tkazish buyurtmachisi — “Davyergeodezkadastr” qo‘mitasi hamda Qishloq xo‘jaligi vazirligi:

tuproqning agrokimyoviy tahlilini o‘tkazish rejalarini tuzishi;

viloyat hokimliklarini tuproqning agrokimyoviy tahlilini o‘tkazish rejasidan xabardor qilishi;

tuproqning agrokimyoviy tahlilini o‘tkazish bo‘yicha sarf-xarajatlar smetasini ishlab chiqishi va bajaruvchi bilan shartnoma tuzishi;

tuproqning agrokimyoviy tahlilini o‘tkazish dasturini tasdiqlashi;

tuproqning agrokimyoviy tahlilini o‘tkazish muddatini hamda nazorat qilish tizimini belgilashi;

tuproqning agrokimyoviy tahlili yakuniy ma’lumotlarini qabul qilish, ko‘rib chiqish va uning natijalarini yer kadastri hujjatlariga kiritishi lozim.

Oldingi tahrirga qarang.

(7-band O‘zbekiston Respublikasi Vazirlar Mahkamasining 2021-yil 29-noyabrdagi 721-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 30.11.2021-y., 09/21/721/1110-son)

8. Tuproqning haydalma qatlamidagi gumus, harakatchan fosfor, almashuvchan kaliy miqdori davriy ravishda olib boriladigan tuproqning agrokimyoviy tahlili natijalari asosida aniqlanadi.

Tuproqning agrokimyoviy tahlili sug‘oriladigan qishloq xo‘jaligi yerlari uchun har besh yilda va davlat nav sinash uchastkalari va tajriba xo‘jaliklari uchun har ikki yilda o‘tkaziladi. Yerdan foydalanuvchilarning talabiga ko‘ra, tuproqning agrokimyoviy tahlilini o‘tkazish muddati qisqartirilishi mumkin.