Qishloq xo‘jaligida tuproqning agrokimyoviy tahlil tizimini takomillashtirish, ekin yerlarida tuproqning unumdorligini oshirish chora-tadbirlari to‘G‘risida

O‘zbekiston Respublikasining Bosh vaziri A. ARIPOV

Toshkent sh.,

2019-yil 18-iyun,

510-son

Vazirlar Mahkamasining 2019-yil 18-iyundagi 510-son qaroriga
1-ILOVA

Tuproqning agrokimyoviy tahlilini olib borish tartibi to‘g‘risida

NIZOM

1-bob. Umumiy qoidalar

1. Mazkur Nizom qishloq xo‘jaligi ekin yerlarida tuproqning agrokimyoviy tahlilini olib borish tartibini belgilaydi.

Ushbu Nizomda quyidagi asosiy tushunchalardan foydalaniladi:

agrokimyoviy tahlil — tuproq tarkibidagi o‘simlik uchun zarur ozuqa elementlarining harakatchan shakllari (harakatchan fosfor, almashuvchan kaliy) va gumus miqdorini aniqlash;

agrokimyoviy kartogramma — tuproqdagi o‘simlik o‘zlashtira oladigan ozuqa elementlari — harakatchan fosfor, almashuvchan kaliy va gumus bilan ta’minlanganlik darajasini ko‘rsatib beradigan, ranglar bilan ajratiladigan kartogramma;