Qishloq va suv xo’jaligi vazirligi

Qonni tekshirish tartibi. 
Qon quyidagi tartib bo’yicha tekshiriladi: 
1.
Qonning fizik xossalarini tekshirish;
2.
Qonning morfologik ko’rsatgichlarini tekshirish;
3.
Qonning biokimyoviy ko’rsatgichlarini tekshirish.
Hozirgi kunda viloyat veterinariya laboratoriyalarida asosiy qon ko’rsatgichlari: eritrosit va 
leykositlar sonini sanash, eritrositlarning cho’kish tezligini aniqlash, leykogrammani aniqlash, qon 

---

122
tarkibidagi gemoglobin, umumiy oqsil, umumiy kalsiy, anorganik fosfor, ishqor zahirasi va karotin 
miqdorini aniqlash bo’yicha tekshirishlar o’tkaziladi.
Vrach ketoz kasalligiga gumonsirasa qondagi keton tanachalarini, uglevod almashinishi 
buzilishiga gumonsirasa qondagi glyukoza miqdorini, jigar kasalliklariga gumonsirasa qondagi 
bilirubin miqdorini aniqlashni laboratoriyadan so’raydi. Ko’pincha ilmiy-tadqiqot ishlarida qonning 
ko’rsatkichlari: mineral moddalar, vitaminlar, gormonlar, fermentlar aniqlanadi va tahlil qilinadi. 
Qonni olish usullari. 
Tekshirish uchun hayvondan quyidagi usullarda qon olinadi: 
1.
Tekshirish uchun oz miqdordagi qon (qonning uyushish tezligini aniqlanadi; eritrosit, 
leykosit sonini sanaganda, surtma tayyorlaganda, Panchenkov usulida qonning cho’kishi tezligini 
aniqlanganda, gemoglobin miqdorini aniqlaganda) qishloq xo’jalik hayvonlarining quloq 
suprasidagi qon tomirlaridan, parrandalarda tojidan olinadi. 
2.
Tekshirish uchun ko’p miqdordagi qon asosan bo’yintiriq venasidan, cho’chqalarda dum 
arteriyasidan, parrandalarda qanot osti qon tomiridan olinadi. 
Qonning fizik xossalarini aniqlash. 
Qonning fizik xossalarini aniqlashda quyidagi 
ko’rsatgichlar aniqlanadi:
1.
Qonning nisbiy zichligi. 
2.
Qonning uyushish tezligi. 
3.
Qonning retraksiyasi. 
4.
Eritrositlarning cho’kish tezligi. 
1.