Qatlamlarga suv haydash texnika va texnologiyasi

Qatlamlarga suv haydash texnika va texnologiyasi

Suv bostirish – qatlamlarni ishlashni va neftberaolishlikni oshirishni yuqori potensial va o‘zlashtirilgan usuli hisoblanadi.
Kon maydoniga qarab qatlam bosimini saqlash ikki usulda olib boriladi:

• kichkina konlar uchun – neftlilik chegarasi ortida joylashtirilgan maxsus haydovchi quduqlarga suv haydash yo`li bilan;
• katta konlarda uyum haydovchi quduqlar yordamida bo`laklarga bo`linadi.

Haydovchi quduqlarni joylashtirish usuli bo‘yicha qatlamga suv bostirish tizimlari quyidagilaraga bo‘linadi:

• Chegaradan tashqariga suv bostirish – uyumni perimetri bo‘yicha neftlilikning tashqi chegarasi ortiga haydovchi quduqlarni joylashtirish orqali suv haydash. Suv bostirishning bu turi uchun eng ma’qul obektlar – yaxshi o‘tkazuvchanli bir turdagi qum va qumtoshlardan tuzilgan, tektonik buzilishlar bilan murakkablashmagan va kam qovushqoqli neftli qatlamlar. Bir qator haydovchi quduqlarga 3 – 4 qator ishlatuvchi quduqlar to‘g‘ri keladigan o‘rta va uncha katta bo‘lmagan neft uyumlarini ishlashda yaxshi natijalar olinadi.

Chegaradan tashqariga suv bostirish

• Chegara bo‘ylab suv bostirish – bunda haydovchi quduqlar neftlilikning tashqi va ichki chegaralari orasiga, qatlamning suvneftli hududiga joylashtiriladi.

Chegara bo‘ylab suv bostirish

• Chegara tashqarisiga yoki chegara bo‘ylab suv bostirishni chegara ichra suv bostirish bilan kombinatsiyasi. Bu usul mahsulot qazib chiqarishni konni butun maydoni bo‘ylab jadallashtirish uchun ishlatiladi:

а) uyumni haydovchi quduqlar qatorlari bilan bir nechta maydonlarga bo‘lish;
b) markaziy chegara ichra suv bostirish. Bunda haydovchi quduqlar uyumning markazida batareya ko‘rinishida yoki chegara ichra xalqa ko‘rinishida joylashtiriladi;

v) o‘choqsimon suv bostirish – bunda katta konlarda alohida suv haydovchi quduqlar qatlam jinslarining o‘tkazuvchanligi past bo‘lgan hududlarida joylashtiriladi;
g) o‘q bo‘ylab suv bostirish – bunda haydovchi quduqlar uyumning markazida o‘q bo‘ylab joylashtiriladi. Bu usul eniga nisbatan uzunligi bir necha marta katta bo‘lgan uyumlarda yaxshi samara beradi.