Qatlamlarga suv haydash texnika va texnologiyasi

Chegara bo‟ylab suv haydash kengligi 4-5 km, bir xil tuzilishli, qatlamning kollektorlik tavsifi yuqori bo‘lgan uyumlar uchun, turli to‘siqlar hosil bo‘lganligi sababli uyumning neftli qismi va chegara ortining gidrodinamik aloqasi bo‘lmaganda qo‘llaniladi. Bu holda haydovchi quduqlar uyumning neftli qismi chegarasida ichki neftlilik chegarasidan minimal masofada joylashtiriladi. Qazib chiqarish quduqlari esa chegara ortidan suv haydashdagi kabi neftlilik chegarasiga parallel joylashtiriladi. Kontur bo‘ylab suv haydash. Neftlilik chegaralari: 1- tashqi, 2- ichki; quduqlar: 3- qazib chiqarish, 4- haydovchi.

Chegara ichidan suv haydash kengligi yoki 5 km dan katta, yoki 4 km kichik uyumlar uchun tavsiya etiladi, lekin keyingi holda – uyumning kollektorlik tavsifi yomonlashganda va neftning qovushqoqligi oshganda. Chegara ichidan suv haydashda quyidagi ishlatish tizimlari ajratiladi.

O’q bo’ylab suv haydash kengligi 5 km dan katta, tog‘ jinslarning kollektorlik xossalari yuqori bo‘lmagan, qatlamdagi neftning qovushqoqligi ahamiyatli oraliqda o‘zgaradigan, chegarasida kollektorlik xossalari gum bazi qismidan atrofga tomon yomonlashib boradigan uyumlar uchun tavsiya etiladi. (3.3-rasm). Uyumning neftli qismi bilan kontur orti orasidagi gidrodinamik aloqa faol bo‘lganda, neftning va haydaladigan suvning qovushqoqligi nisbati takriban bir xil bo‘lsa o‘q bo‘ylab suv haydash chegara ortidan suv haydash bilan birgalikda qo‘llanilishi mumkin O‘q bo‘ylab va chegara ortidan birgalikda suv haydash.

Xalqali qator bo’ylab suv haydash odatda izometrik, oval shaklidagi, litologik - fizik va sizdirish xossalari tuzilmaning gumbazdan atrof qismiga tomon ma‘lum yo‘nalishda o‘zgarishi bilan tavsiflanadigan uyumlarda qo‘llaniladi. Qatlam bosimini ushlab turish uchun haydovchi quduqlar uyumning o‘rta qismida xalqali qator bo‘ylab joylashtiriladi, chegara ortida esa tashqi neftlilik chegarasiga parallel joylashtiriladi. Buning natijasida ikkita teng bo‘lmagan maydon hosil bo‘ladi: kichigi-markaziy qismda va kattasi- haydovchi quduqlarning ikkita qatori orasida Xalqali qator bo‘ylab suv haydash.