Qarshi davlat universiteti jahon tarixi kafedrasi tarix falsafasi va tarix o

MA’RUZA MATNLARI
KIRISH
«Tarix falsafasi tarix fanisiz bo'shliq. Tarix fani esa tarix falsafasisiz ko'rdir»
Imre Lakatos
Mustaqillik xalqimiz tarixida yangi davrni boshlab berdi. Bu davr mobaynida mamlakatimiz turli sohalarda olib borayotgan muhim islohotlardan biri ta’lim tizimiga taalluqlidir. Uning bosh maqsadi mustaqil fikrlovchi shaxs, komil insonni tarbiyalashdan iborat. Tarix falsafasi va metodologiyasi fanini o'qitishdan maqsad ta’lim tizimi milliy dasturining asosiy g'oyalaridan kelib chiqqan holda, bakalavr talabalarga Tarix falsafasining rivoji, hozirgi holati, insoniyat hayotida tutgan o'rni, ijtimoiy fikr taraqqiyotiga qo'shgan xissasi haqida umumiy ilmiy tushunchalar berishdan iborat. Shu maqsadda ma’ruzalar matnida jahon falsafiy-tarixiy tafakkurining qadimdan to hozirgi kungacha bo'lgan rivojlanishining asosiy omillari va yo'nalishlarini yoritishga qaratilgan. Majmua talabalarning nazariy – uslubiy saviyasini oshirishda jahonda ro'y berayotgan tarixiy jarayonlarni chuqur o'rganishdagi asosiy kontseptual yondashuvlar bilan tanishishda katta ahamiyat kasb etadi. Hamda, tarixiy dunyoqarashini boyitish, ularda mustaqil fikrni qaror toptirish, tarixni mukammal darajada bilish, insoniyat sivilizasiyasining yutuqlaridan va tajribasidan to'la bahramand bo'lish, umuminsoniy qadriyatlarni anglab etishga ko'maklashish va dunyo miqyosida mavjud bo'lgan muammolarning tarixiy ildizlarini izlab topish kabi dolzarb masalalarni o'rganadi. Tarix falsafasi va metodologiyasi mazmuni talabalarda turli xil tarix falsafasi maktablari, inson va uning mohiyati, tarix falsafasiningqonuniyatlari, falsafiy oqimlarning rivoji va yo'nalishlari to'g'risidagi ma’ruzalarni tinglab, ular haqida to'g'ri ilmiy xulosalar chiqara oladigan, falsafiy ta’limotlarni asosli tahlil qila oladigan ilmiy dunyoqarashni shakllantirishdan, XXI asrda insoniyat va dunyo muammolarini to'g'ri anglab etishidan iborat.
Davlatimiz Rahbari ta’kidlaganlaridek: “O'quvchilarni faqat yodlashga emas, balki fikrlashga chorlaydigan metodika yaratish zarur¹”.