Qarshi davlat universiteti iqtisodiyot kafedrasi davlat boshqaruvida inson resurslari

4. Davlat xizmatining davlat organida oʻrnatilgan davlat mansabini egallagan shaxs tomonidan amalga oshirilishi.
Davlat mansabi – bu belgilangan tartibda oʻrnatilgan davlat organining boshlangʻich tashkiliy birligi boʻlib, uni egallab turgan shaxs vakolatining mazmuni, hajmi va javobgarlik doirasini oʻrnatadi. 
Davlat mansabi aniq bir shaxsga qaratiladi, uning mazkur tashkilotda tutgan oʻrnini hamda majburiyatlarining doirasini belgilab beradi. Davlat mansabi davlat organi vakolatlarini amalga oshirish maqsadida oʻrnatilgan shtat birligi hisoblanadi. Har bir davlat xizmatchisi davlat organida ma’lum bir davlat mansabini egallab, mazkur mansab talab qiladigan majburiyatlarni bajaradi hamda mansab doirasida javobgar hisoblanadi. Davlat mansabi koʻp jihatdan hokimiyat-vakolati doirasiga bogʻliq boʻladi. Qanchalik keng doirada hokimiyat-vakolati berilgan boʻlsa, davlat mansabi shunchalik yuqori pogʻonani egallaydi.
Yuqorida mazmuni yoritib berilgan davlat xizmatining asosiy elementlariga asoslanib, davlat xizmatiga quyidagicha ta’rif berish mumkin: davlat xizmati – bu davlat organida ma’lum bir mansabini egallab turgan shaxs tomonidan davlat vazifalari va funksiyalarini bajarish maqsadida hokimiyat-vakolatlarining amalga oshirilishiga qaratilgan kasbiy faoliyatdir.

3. 
   Rivojlanayotgan va rivojlangan mamlakatlar davlat sektorlarida inson resurslarini boshqarish
   

Yuqoridagilarga asoslanib hamda Oʻzbekiston Respublikasi qonun hujjatlaridan kelib chiqqan holda davlat xizmatining asosiy vazifalari:

• 
  Oʻzbekiston Respublikasining konstitutsiyaviy tuzumini himoya qilish, fuqarolik jamiyati qurish uchun shart-sharoitlar yaratib berish, ishlab chiqarish, shaxsning erkin hayot kechirishini ta’minlash, fuqarolarning huquqlari, ekrinliklari va qonuniy manfaatlarini himoya qilish;
  
• 
  davlat organlari oldida turgan vazifalarning amalga oshirilishini ta’minlash uchun ijtimoiy-siyosiy va huquqiy shart-sharoitlarni tashkil etish;
  
• 
  davlat organlariga berilgan vakolatlar doirasidan kelib chiqqan holda ularning samarali faoliyatini ta’minlash;
  
• 
  davlat xizmati va davlat xizmatchilarining professional faoliyati sharoitlarini takomillashtirish;
  
• 
  davlat organlari va davlat xizmatchilari faoliyatida oshkoralik tamoyilining amalda boʻlishini ta’minlash, qonuniylikka rioya etish, davlat xizmatida ma’muriy-buyruqbozlik, korrupsiya va boshqa salbiy holatlarga barham berish;
  
• 
  davlat organlarida xizmatchilarning qobiliyatini, muomalasini yaxshilash, boshqaruv ishining samaradorligini oshirish;
  
• 
  davlat xizmatchilari malakasini oshirish hamda ularni qayta tayyorlash tizimini tashkil etish va ta’minlash;
  
• 
  davlat organlarini davlat xizmatiga yaroqli boʻlgan hamda oʻzining mansab majburiyatlarini bajara oladigan yuqori malakali xizmatchilar bilan toʻldirish;
  
• 
  davlat organlari xizmatchilari faoliyat yuritishi uchun zarur boʻlgan ijtimoiy, axborot, moddiy-moliyaviy, huquqiy va boshqa shart-sharoitlarni tashkil etish;
  
• 
  kadrlarni tanlash, xizmat boʻyicha harakatlanish tartibini, malakali sinovlarni, attestatsiyalarni oʻtkazish, malaka toifalarini berish, muvozanat va javobgarlik choralarini belgilash va h.k.lar.
  

Davlat sektorida inson resurslarini boshqarishning oʻziga xosligi mamlakat qonun va qarorlarida ham o’z aksini topgan(1.1-jadval)

1.1-jadval