Qarshi davlat universiteti iqtisodiyot kafedrasi davlat boshqaruvida inson resurslari

I. Kadrlar siyosati va davlat fuqarolik xizmati tizimining konsteptual asoslarini ishlab chiqish
O‘zbekiston Respublikasi ning «Davlat fuqarolik xizmati to‘g‘risida»gi Qonuni loyihasini xorijiy ekspertlarning tavsiyalari va keng jamoat-chilik fikrini inobatga olgan holda takomillashtirish orqali O‘zbekiston Respublikasi da davlat fuqarolik xizmatining asosiy tushunchalari, reglamentlari va kafolatlarini qonun bilan mustahkamlash.
Quyidagilarni nazarda tutuvchi Davlat fuqarolik xizmatini 2030 yilgacha rivojlantirish strategiyasini ishlab chiqish:
mamlakatni innovatsion rivojlantirishning uzoq istiqbolga mo‘ljallangan maqsad va vazifalariga mos, davlat fuqarolik xizmati transformatsiyasining g‘oyaviy platformasini yaratish;
tabaqalashtirilgan yondashuvni inobatga olgan holda, xodimlarni integratsiyalashgan eng muhim samaradorlik ko‘rsatkichlari (KPI) asosida boshqarish va faoliyatini baholashning zamonaviy usullarini, shu jumladan axborot-kommunikatsiya texnologiyalarini faol qo‘llash orqali har yerda tatbiq etish;
davlat fuqarolik xizmatchilarida korrupsiyaga qarshi madaniyatni va korrupsiyaga toqat qilib bo‘lmaydigan munosabatni shakllantirishning ta’sirchan mexanizmlarini joriy etish;
istiqbolli va iqtidorli shaxslarni, ayniqsa, yoshlar orasidan izlab topish va saralab olish, davlat fuqarolik xizmatiga qabul qilish jarayoniga fuqarolik jamiyati institutlarini, shu jumladan fuqarolarning o‘zini o‘zi boshqarish organlarini (mahallalarni) keng jalb qilish orqali ushbu jarayonda gender tengligini ta’minlash;
ta’lim muassasalarida tanlov asosida davlat fuqarolik xizmatchilarini qayta tayyorlash va malakasini oshirish bo‘yicha davlat buyurtmasini shakllantirish;
yosh kadrlar uchun davlat organlari va tashkilotlaridagi tajribali rahbarlar va mutaxassislar tomonidan ustozlik institutini joriy qilish;
davlat fuqarolik xizmatida islohotlarni amalga oshirish bo‘yicha eng muhim prognoz ko‘rsatkichlarni va ularni ta’minlash mexanizmlarini tasdiqlash, davlat organlari va tashkilotlarining tashkiliy tuzilmasini optimallashtirish;
davlat fuqarolik xizmatchilarini moddiy jihatdan qo‘llab-quvvatlash va ijtimoiy ta’minlash, ularning hayoti va salomatligini davlat tomonidan majburiy sug‘urtalash;
davlat fuqarolik xizmatchilarini rotatsiya qilish va xizmat tekshiruvlarini o‘tkazish mexanizmini joriy qilish;
Davlat fuqarolik xizmati lavozimlarining davlat reestrini yuritish.