Qarshi davlat universiteti ijtimoiy fanlar fakulteti

CHORIYORLAR (f.-t.) – Muhammad Payg’ambar vafotidan so’ng Arab xalifaligida hokimiyat tepasida turgan dastlabki to’rt xalifa – Abu Bakr, Umar, Usmon, Alilarni Eron, Afgoniston va O’rta Osiyoda musulmonlar orasida choriyorlar deb atash rasm bo’lgan. Ular «Xulafo ar- roshidun», ya’ni to’g’ri yo’ldan yuruvchi xalifalar deyilgan.
ETNOGEOGRAFIYA – etnografiyaning bir bo’limii. Yer shari, alohida mamlakatlar va ularning tumanlari aholisining tarkibi va joylashishini o’rganadi. Shuningdek, etnogeografiya qadimgi va hozirgi etnik chegaralarini aniqlaydi. Etnogeografiyaga etnik kartografiya va etnik demografiya kiradi. Etnogeografiya antropologiya bilan ham yaqinda aloqada.
EFTALIYLAR – O’rta Osiyo va unga yaqin mamlakatlar xalqlarning etnogenezi va tarixida muhim rol o’ynagan yirik qabilalar uyushmasi.
O’RDA (m.-t.) – 1. Turkiy va mo’g’ul xalqlarida harbiy ma’muriy tashkilot, manzilgoh.
O’G’UZLAR - turkiy qabila. Markaziy va O’rta Osiyoda yashagan. VII asr boshida Turk xoqonligi tarkibida to’qqiz o’g’uz qabilasi ittifoqi paydo bo’lib, bu ittifoqda ko’pchilikni asosan o’g’uzlar tashkil etgan.
QANG’LI – turkiy qabilalar uyushmasi. Urxun-Yenisey yozuvlarida «kanxaras» deb atalgan. Qang’lilar mil. avv. III asr oxirlarida Sirdaryo bo’ylvarida yirik Qang’ davlatini tuzgan.
QARLUQLAR – qadimiy turkiy qabilalardan biri. IV-V asrlargacha Oltoyning g’arbida yashaganlar. VI-VII asrlarda qarluqlar turk xoqonligi tarkibiga kirgan. VII asr o’rtalarida qarluqlarning bir qismi Yettisuv hududiga kelib joylashgan. VIII asr oxirlarida bu yerda Qarluqlar davlati vujudga kelgan.
QIPCHOQLAR – turkiy xalqlarning eng yirik qabilalaridan biri. Qipchoqlar Rus solnomalarida «poloveslar» , Yevropaning ba’zi xalqlarida va Vizantiya solnomalarida «kumonlar» deb atalgan.
QIRQ – o’zbek xalqi tarkibiga kirgan yirik qabilalardan biri. Tarqoq holda Samarqand atrofida, Panjikentning janubida, hozirgi G’allaorol, Jizzax, Zomin va O’ratepa hududlarida yashaganlar.