Qarshi davlat universiteti ijtimoiy fanlar fakulteti

SARBADORLAR (F.-T.) – XIV asrda Eron va O’rta Osiyoda mo’g’ullar va mahalliy feodallarga qarshi ko’tarilgan xalq ozodlik harakati qatnashchilari. So’zma-so’z ma’nosi «o’z boshini dorga tikkanlar» .
SATRAPIYA – Ahamoniylar, Salavkiylar, Parfiya va Sosoniylar davlatlarida satraplar boshchiligidagi harbiy-ma’muriy okrug. Satrapiyaga satraplardan tashqari harbiy boshliqlar ham tayinlansin. Hozirgi O’rta Osiyo hududlarida ham o’sha davrda alohida satrapiyalar tashkil etilgan. Har bir satrapiya belgilangan miqdorda soliq to’lashga majbur bo’lgan.
SAFFORIYLAR – Safforiylar davlatida hukmronlik qilgan sulola. Safforiylar nomi uning asoschisi Yoqub ibn Lays as-Saffor nomidan olingan.
SAFFORIYLAR DAVLATI – Eronda safforiylar sulolasi hukmronlik qilgan feodal davlat. Asoschisi seyistonlik dehkon Yoqub ibn Lays as –Saffor (867-879).
SAG’ANIYON (CHAG’ANIYON) –o’rta asrlarda Movaunnahrda mavjud bo’lgan qadimiy viloyat. Tarixiy manbalarda Chag’aniyon deb yuritilgan. U hozirgi O’zbekiston Respublikasining Surxandaryo viloyati hamda qisman Tojikiston Respublikasi hududida joylashgan.
SUYURG’OL (m-t.) – biror hukmdor tomonidan alohida xizmat ko’rsatgan shaxslarga berilgan in’om. Suyurg’olga berilgan yer nasldan-naslga meros bo’lib o’tgan. Uning egasi davlat soliqlaridan ozod etilib, olgan daromadi va mahalliy aholidan o’z ixtiyoricha foydalanish huquqiga ega bo’lgan.
SO’GD- qadimda Zarafshon va Qashqadaryo vohasida yashagan aholi.
TEMURIYLAR – 1370-1507 yillarda Temuriylar davlatida hukmronlik qilgan sulola. Asoschisi – Amir Temur. Temuriylar Chig’atoy ulusida kuchayib ketgan feodal tarqoqlik natijasida hokimiyat tepasiga keldi. Samarqand va Hirot Temuriylar davlatining poytaxti bo’lgan.
TOXARISTON – Amudaryoning o’rta va yuqori oqimidagi ikki sohilini ishg’ol etgan yerlarning o’rta asrlardagi nomlanishi. Aynan mana shu sarhadda vujudga kelgan davlat Toxariston deb atalgan bo’lib, u 27 ta mustaqil viloyatlardan iborat bo’lgan.