Qarshi davlat universitet ijtimoiy fanlar kafedrasi «tasdiqlayman»

O`ZBEKISTON RESPUBLIKASI
OLIY VA О‘RTA MAXSUS TA’LIM VAZIRLIGI
QARSHI DAVLAT UNIVERSITETI
IJTIMOIY FANLAR KAFEDRASI
“Milliy istiqlol g’oyasi”
FANIDAN
TAYanCH MA’RUZALAR MATNI
Qarshi-2019
1-MAVZU. «MILLIY G‘OYA: ASOSIY TUSHUNCHA VA TAMOYILLAR» FANINING PREDMETI, MAQSAD VA VAZIFALARI
Kirish
1. Milliy g‘oya: asosiy tushuncha va tamoyillar» fanining predmeti.
2. Mafkura tushunchasining mazmuni va shakllari.
3. Milliy g‘oya tushunchasi, uning tuzilishi va namoyon bo‘lish xususiyatlari.
4. Jamiyatdagi ijtimoiy-siyosiy jarayonlar ta’sirida g‘oyalarning diferensiyallashuvi.
Xulosa
K I R I SH
Milliy istiqlol tufayli O‘zbekiston davlat mustaqilligiga erishdi. Mamlakatimizda insonparvar, demokratik jamiyat, huquqiy davlat qurilishi jadallik bilan amalga oshirilmoqda. Endigi vazifa mustaqilligimizni har tomonlama mustahkamlash, mamlakatimizni jahonning rivojlangan davlatlari darajasiga ko‘tarishdan iboratdir. Bunday inqilobiy o‘zgarishni amalga oshirmoq uchun, milliy istiqlol g‘oyalarining maqsad va vazifalarini, ya’ni insonparvar, demokratik jamiyat strategiyasi va taktikasini mamlakatimizning har bir fuqa-rosi, xususan jamiyatimiz kelajagi bo‘lgan har bir yigit-qiz ongiga singdirishimiz zarur. Aniqroq qilib aytganimizda, mamlakatimiz fuqarolarini insonparvar, demokratik jamiyat qurish g‘oyasi atrofida birlashtirishimiz darkor. Ana shunday umumjamiyat, umumdavlat ahamiyatiga molik ulkan vazifa milliy istiqlol mafkurasi yordamida amalga oshiriladi. Xuddi shuning uchun ham O‘zbekiston Respublikasi Birinchi Prezidentining 2001 yil 18 yanvardagi Farmoni bilan “Milliy istiqlol g‘oyasi: asosiy tushuncha va tamoyillar” alohida fan qilib ta’lim tizimiga kiritildi.
Sizning e’tiboringizga taqdim etilayotgan ma’ruza matnida ushbu o‘quv predmetining maqsad va vazifalari, metodologik asoslari haqida fikr-mulohaza yuritiladi.