Qarshi davlat univers

XULOSA

1. Taraqqiyot va kelajag, barkamol avlodni tarbiyalash, turli ma’naviy-mafkuraviy tahdidlardan yoshlarni himoya qilish, jahon hamjamiyatiga teng huquqli integratsiya bo’lish yoshlarning ijtimoiy mo’ljallariga, qadriyatlar tizimiga bog’liq. Yosh avlodning ma’naviy qarashlarini shakllantirish uchun bolalar milliy o`zlikni anglatish, ular qalbida yuksak ma’naviy me`zonlarni, talablarni qaror toptirish, jamiyat ma’naviyatini yanada rivojlantirish zarur. Bu esa ma’naviatni alohida har tomonlama chuqur o‘rganishni, uning yuksalish qonuniyatini yaxshi bilib olib, amaliyotda, tarbiyaviy ishlarda qo`llashni taqozo etadi.
1997-yildan boshlab mamlakatimizdagi barcha oliy o’quv yurtlarida “Ma’naviyat asoslari” fani o’qitila boshlandi. O’zbekiston Respublikasi Prezidentining 2001-yil 18-yanvardagi “Milliy istiqlol g’oyasi: asosiy tushuncha va tamoyillar fani dasturlarini yaratish hamda amaliyotga joriy etish to’g’risida”gi – 1331-son Farmoyishi<sup>102</sup> asosida xalqning, ayniqsa yosh avlodning ilg`or ma’naviy dunyosini yanada yuksaltirishga qaratilgan chora-tadbirlarga binoan yangi yaratilayotgan Davlat ta’lim standartlari va o`quv rejalariga “Ma’naviyat asoslari” va “Milliy istiqlol g`oyasi” predmetlari kiritildi va uzluksiz ta’lim tizimining barcha bosqichlarida o’qitish joriy etildi.
2. Ma'naviyatga oid o‘qitiladigan fanlar (predmetlar) bo‘yicha ishlab chiqilgan dasturlar va yaratilgan darsliklar doimiy ravishda takomillashtirib borishga, amaliyotda va ilmiy tadqiqotlarda aniqlangan yangiliklarni aks ettirishga, yo‘l qo‘yilgan ba'zi bir kamchiliklarni bartaraf etishga talab sezmoqda. Mavjud darsliklar, o‘quv dasturlaridagi kamchiliklarni har xil guruhlarga bo‘lish mumkin: faktik xatolarga yo‘l qo‘yilishi, o‘quvchilarning yoshi, pedagogik-psixologik xususiyatlarini yaxshi hisobga olmaslik, ba'zi mavzular matnlarining cho‘zilib ketganligi kabi kamchiliklarga. Lekin ularda ancha jiddiy ilmiy-metodologik kamchiliklar ham bor.
¹⁰² O’zbekiston Respublikasi Prezidentining 2001-yil 18-yanvardagi “Milliy istiqlol g’oyasi: asosiy tushuncha va tamoyillar fani dasturlarini yaratish hamda amaliyotga joriy etish to’g’risida”gi PF – 1331-son Farmoyishi

79