Qarshi davlat univers

II bob bo’yicha xulosa.

1. Ma’lum bir fanni bosqichma bosqich o’rganish uchun oddiylidan murakkablikka qarab turkumlashtiriladi, darslik va o’quv dasturlari esa ham tizimlilik tamoyili asosida yaratiladi va darslik yozish jarayonida uzviylik, vorisiylik, davomiylik va bog’liqlik tamoyillariga asoslaniladi. Umuman olganda quyi sinfda o’qib o’rganilgan bilimni yuqori sinflarda ham aynan takrorlanib o’rganilmaydi, balki oldingi olingan axborot asosida to’ldirib, boyitib va kengaytirib boriladi. Ma’naviyat masalalarini o’rganishga keladigan bo’lsak, predmetlararo dialektik aloqadorlik bir muncha zaif. Faqat umumta’lim maktablarida o’qtilayotgan ma’naviyatga oid fanlar darsliklari bu borada o’zini oqlaydi.
2. Maktab darsliklari o’rtasida davomiylik mavjud. Quyi sinfda berilgan materiallar va g’oyalar yuqori sinflarda yanada to’ldirilgan, chuqurlashtirilgan va har tomonlama rivojlantirilgan. Masalaga bunday yondashuv, birinchidan, o’quv jarayonida mantiqiy izchillik, davomiylik va uzviylikni ta’minlagan, ikkinchidan, o’qitish va bilish jarayoni uchun eng muhim ilmiy metodik va pedagogik psixologik tamoyil – oddiylikdan murakkablikka qarab tadrijiy o’sib, teranlashib borgan.
3. Oliy o’quv yutrlarining mutaxassislik yo’nalishlari va magistratura mutaxassisliklarida o’qitiladigan ma’naviyatga oid fanlar (predmetlar) o’rtasidagi bog’liqlikda bir qancha kamchiliklar kuzatiladi. dasturidagi mavzular tizimlilik va vorisiylik asosida tuzilmagan. Bundan tashqari, ma’naviyatga oid ma’lum bir predmetning fan dasturidagi masalalar o’zgarishsiz, aynan o’z holida boshqa predmet fan dasturida takrorlanib kelgan. Bunday kamchilik va xatolarning uchrashi “Ma’naviyat asoslari” fanining shakllanishi, yanada takomillashishi va yuksalishida hamda o’qitish va o’rganish jarayonida qator muammolarni yuzaga chiqarishi barobarida fanning obro’yiga ham putur yetkazadi.

78