Qarori jinoyat-ijroiya qonunchiligini tubdan takomillashtirish chora-tadbirlari to‘G‘risida

III. Mahkumlarning huquqlari, erkinliklari va qonuniy manfaatlarini ishonchli himoya qilishni ta’minlash

1. Mahkumlarning huquqlari, erkinliklari va qonuniy manfaatlari himoyasini kuchaytirish, shu jumladan, tintuv jarayonida jismoniy kuch va maxsus vositalar asossiz qo‘llanilishiga yo‘l qo‘ymaslik.

2. Jazoni ijro etish muassasalarida mahkumlarning shaxsiy xavfsizligini ta’minlash bo‘yicha aniq chora-tadbirlarni belgilash.

3. Ozodlikdan mahrum etishga hukm qilingan shaxslarning davlat pensiya ta’minoti kafolatini kuchaytirish maqsadida, ularning ish haqidan davlat ijtimoiy sug‘urtasiga ajratmalar o‘tkazishga bo‘lgan cheklovni bekor qilish.

4. Umume’tirof etilgan xalqaro standartlar va ilg‘or xorijiy tajribaga muvofiq mahkumlarning huquqlari doirasini yanada kengaytirish.

5. Mahkumlarni oliy va o‘rta maxsus ta’lim muassasalarida masofaviy o‘qitish shaklini joriy etish orqali ularning ta’lim olishi bo‘yicha cheklovlarni bekor qilish.

6. Mahkumlarga uchrashuv berish va almashtirishning adolatli hamda shaffof tartibi va talablarini belgilash.

7. Mahkumlarni jazoni ijro etish muassasalariga taqsimlash, ularni bir muassasadan boshqasiga o‘tkazish, shuningdek, ularga nisbatan qo‘llanilgan intizomiy jazolar hisobini yuritish jarayonining shaffofligini ta’minlash.

8. Mahkumlarning kiyim-boshlarini iqlim sharoitlari va zamonaviy talablarga muvofiq qayta ko‘rib chiqish.