Qаrаqаlpаqstаn respublikаsi ministrler ken’esi jаnindаg’i ortа arnаwli bilimlendiriw bаsqаrmаsi

99-shınıg’ıw. Berilgen ga’plerdi oqın’. Qospa feyillerdi tawıp, jasalıwına dıqqat etin’ ha’m olardı jasalıw tu’rine ajıratıp aytıp berin’.
1. Aradan ko’p waqıt o’tpey-aq iri-iri tamshılar tama basladı (O’.X.). 2.Tu’s waqtında na’retesin ornalastırıp boldı (K.S.). 3. Pu’tkil dalanın’ u’stinde tınıshlıq ornap turdı (Sh.A.). 4. Turmısımız jıl sayın abadanlasıp barmaqta. 5. Bizin’ fermanın’ jılqıları shıg’ınsız o’sip kelmekte (J.S.). 6. Aydana onı anaday jerge shekem uzatıp qaldı (O’.X.). 7. Ol qonaqların uzatıp saldı. 8. Qozılardın’ ha’r-qaysısının’ salmag’ı 12 kilogrammg’a shekem o’sip jetti (J.S.). 9. Ol joldın’ alıs ha’m awır ekenin eskertip o’tti (J.Sap.)
100-shınıg’ıw. Teksttin’ ishinen qospa feyili bar ga’plerdi terip ko’shirip jazın’ ha’m qospa feyillerdin’ astın sızıp, jasalıwı boyınsha tu’sinik berin’.
Shın’g’ısxan jol jo’nekey bas ko’tergen elatlardı jer menen jeksen qılıp, orıs patshalarının’ shegarasına jetkende, u’rgin qarg’a ushırap bir neshe ku’n irkiliwge ma’jbu’r bolıptı. Qa’ha’rli qanxor xannın’ qurı jatıwg’a ishi pisip la’shkerlerine: «Kimde kim qardan adam jasasa, og’an at basınday altın beremen» dep jar saldıradı. Jurt basqa mashqalanı qoyıp, qardan adam sog’ıwg’a ko’shedi. So’ytip kim qardan adam sog’ıp bolg’anı jo’ninde xang’a xabar etse, ol erinbey barıp qar adamdı qılıshı menen bir shaladı, wa’sa’lam! U’ndemeydi. Heshkimge bayraq ta bermeydi. Shın’g’ısxannın’ la’shkerlerinde jalg’ız ulı menen ju’rgen bir g’arrı bar eken. Ol mınaw oyınshıq iske Shın’g’ısxannın’ itibar beriwinin’ ma’nisine o’zinshe pa’m jiberip, «Shın’g’ısxan la’shkerlerinin’ jaqın orısiyat awılınan tiriley adamlar a’kelip olardı qarg’a ko’mip, qar adam jasarmeken degen sumlıqta ju’r» dep oylaydı. Biraq bul tu’sinigin heshkimge uqtırmay, tislenip ko’p jatadı.
— Menin’ shamalawımsha, Shın’g’ısxan haqıyqıy na’renjan kesel no’kerlerdin’ qar adamg’a aynaldırıwın ku’tip ju’ripti. Solushın bu’gin tu’nde men dalag’a shıg’ıp tikke turayın. Sen muzday suw a’kelip u’stime quya ber, quya ber aqırı qatıp qalaman. Sonnan keyin tan’ aldında qar jawsa sol turısında u’stime jabısıp qaladı. Bunnan keyin, sen Shın’g’ısxang’a barıp xabarla. Seni bayraqlaydı.
— Bul ha’siretli is g’oy, — depti balası.
— Joq, — depti g’arrı. — Menin’ o’mirim tu’wesilip tur, bu’gin bolmasa erten’ o’lemen. Biypayda o’lip ketemen.
Balası oylana baslaydı...
So’ytip g’arrısı qalay ken’es bergen bolsa, balası sol da’rejede qar adamg’a aynaldırıp azanda xan shatırına xabar jiberedi. Shın’g’ıs xan a’skerbasıların ertip qar adamdı ko’riwge keledi. qar adamg’a qılısh urıladı. Qar adam ekige bo’linedi.
— Altın almastan burın ayt, bul qanday adam edi? — deydi.
— A’kem edi, — deydi jigit.
Shın’g’ıs xan ko’p oylanbay sol da’pen’ no’kerge iyek ko’terip:
— Bunın’ o’zinde qılıshtan o’tker! — deydi.
— Nege deydi bala jılamsırap.
Attın’ basınday altın ushın o’z a’kesin ayamag’an ...sendeylerdin’ o’miri qısqa bolıwı kerek, — deydi (T.Q. «Qaraqalpaqnama»).