Qаdimgi Yunonistondа fаlsаfаning yuzаgа kelishi vа rivoji: Ioniya fаlsаfаsi (2 soat) Reja

sodda  dialektika

 

darajasida qо‘yilgan va hal etilgan. 

Miletliklar  shuningdek,  о‘zlari  qabul  qilgan  qarorlarini  qat’iy 

metodologik  qimmatini  yaxshi  his  qilganlar.  Ular  qidirgan  umumiylikni 

hissiyotdan  yetarli  darajada  mavhumlashmagan  shaklda  ifoda  etganlar.  Garchand 

---

miletlik  faylasuflar  harakatning  mohiyati  tо‘g‘risidagi  masalani  qо‘ygan 

bо‘lsalar-da, Arastu aytganidek, harakatning manbaini kо‘rsata olmaganlar

8

. 

Milet  olimlari  orasida,  ayniqsa,  Fales  (taxminan  624-575  yillar)  ta’limoti 

diqqatga  sazovordir.  Fales  faylasuf,  astronom,  matematik,  fizik,  siyosiy  arbob  va 

savdogar  edi.  U  Lidiya  shohi  Krezning  Kirga  qarshi  yurishida  ishtirok  etgan, 

Midiya,  Eron  mug‘lari  bilan  muloqotda  bо‘lgan,  ularning  kosmogonik 

ta’limotlarini  о‘rgangan  va  shu  ta’limot  asosida  borliq  xususiyati,  osmon  va  yer 

haqidagi  nazariyasini  yaratgan.  Afsuski,  Fales  asarlari  qadim  davrlardayoq 

yо‘qolib  ketgan.  Faqat  keyingi  davrda  о‘tgan  faylasuf  olimlar,  ayniqsa,  Aristotel 

asarlarida  berilgan  ma’lumotlarga  tayanib  olimning  ibtidoiy  materializmga 

asoslangan  ilmiy  qarashlari  haqida  fikr  yuritishimiz  mumkin  (Yer  kurrasi  suvda 

turadi, suv hamma narsaning moddiy asosi). 

Zardо‘shtiylik kosmogonikasi bо‘yicha yer gardish shaklida, u suvda turadi, 

namlik,  suv  hamma  narsaning  asosi,  yerni  okean  qurshagan,  u  xuddi  suvdagi 

taxtadek.  Ana  shu  doktrinaga  binoan  zardо‘shtiylar  suvni  hatto  olovdan  ham 

ortiqroq  e’zozlaganlar.  Ularning  fikricha,  yerni  qurshagan  olti  modda  (olti 

ma’buda)ning  birinchisi  suv)  Apam-Napat).  Unda  hast  kuchi  bor,  suvdagi  hayot 

kuchini о‘simlik sharbatlari bilan boyitib borish kerak. 

 Aristotel  keltirgan  Falesning  ikkinchi  tezisi  “tabiatdagi  hamma  narsalarda 

xudolarning  ishtiroki  bor,  ular  о‘lik  emas,  tirik”.  Bu  g‘oya  esa  Zardо‘shtning 

yuqorida  keltirilgan  fikriga  asoslangan.  Zardо‘shtiylikda  Axypa  Mazda  avval 

borliq  va  hamma  narsalarni  tana  qobig‘idan  (menog)  ozod  holda  yaratgan,  keyin 

ularga  shakl  bergan,  degan  ta’limot  bor.  Falesning  har  bir  buyumda  xudo  bor, 

degan nazariyasi xuddi ana shu buyumlarning menog holatini eslatadi. 

Falesning  ikkinchi  tezisi  esa  zardо‘shtiylikning  aynan  ana  shu  Amesha-

Spenta  ta’limoti ta’siri ostida  shakllangan.  Borliqning  asosi  tо‘rt  unsur  (suv,  yer, 

olov,  havo)  ta’limotida  ham  Sharq  falsafasining  ta’siri  bor.  Falesni  yunonlarning 

dastlabki  olimi  deyish  mumkin.  U  birinchi  bо‘lib  yilni  365  kunga  taqsimlaydi. 

Hisoblab  chiqish  natijasida  eradan  avvalgi  585  yildagi  kun  tutilishini  avvaldan 

aniq aytadi, soyaga qarab piramidalarning о‘lchash yо‘lini tavsiya etadi va hokazo. 

Insoniyat  tarixidagi  eng  kо‘hna  va  haligacha  о‘z  kuchini  yо‘qotmagan 

“Kimligingni  о‘zing  yaxshi  bilib  ol”  va  “Hech  narsa  haddan  ziyoda  bо‘lmasligi 

kerak”  degan  ikki  hikmat  ham  Falesga  taalluqli  deydilar.  Haqiqatan,  bu 

tushunchalar  ham  Sharq  xalqlari  etikasida  haligacha  saqlanib  kelmoqda. 

Aytishlariga qaraganda Fales о‘z ta’limotini she’r bilan yozgan. 

Fales  ta’limotini  uning  shogirdi  va  vatandoshi  Anaksimandr  (610-547/46 

yillar) davom ettirdi. Anaksimandr yunon adabiyoti tarixidagi birinchi nasriy acap 

“Tabiat  haqida”  risolasini  yaratgan  edi.  Undan  olingan  parchalar  faqat  keyingi 

davr olimlari Simplikiy va Feorast asarlarida saqlanib qolgan, xolos. 

Eron  saltanatiga  asos  salgan  Kir  (558-529/30)  Kichik  Osiyoda  yunon 

shaharlarini bosib olishdan avval ancha tayyorgarlik ishlari olib borib, shaharlarga 

mug‘lar  (zardо‘shtiylik  dini  kohinlarini)  yuborib,  jamoatchilik  fikrini  о‘z 

foydasiga qaratishga harakat qiladi. Tabiiyki, regionda yashovchi davlat arboblari, 

                                                           

8

 Copleston  F. A History of Philosophy. - Vol.1. Greece and Rome. - N.Y., London, 2003. – P. 14.   

---

adib,  olim  va  umuman  donishmandlar  mug‘lar  olib  borgan  suhbatlarga  qiziqar 

edilar.  Ulardan  о‘z  oldilarida  turgan  muammolarga  javob  topishga  urinadilar. 

Anaksimandr  zardо‘shtiylik  dini  kohinlari  bilan  dunyoning  kelib  chiqishi, 

buyumlarning  paydo  bо‘lishn  haqida  suhbatlar  olib  boradi.  U  ham  Fales  kabi 

kosmogoniya  masalasiga,  borliq,  hamma  narsalar  qayerdan  paydo  bо‘lganiga 

kо‘proq qiziqqan. Falesdan farqli о‘laroq, u borliq fazoning cheksizligidan paydo 

bо‘lgan,  “cheksizlik  hamma  narsaga  yо‘nalish  beradi  va  hamma  narsani  idora 

etadi” [1, 34], - deydi. Aristotel Anaksimandrning bu fikriga  izoh berib, “har bir 

narsa  boshlanishida  yо‘qlikdan  paydo  bо‘lmagan  va  butun  yо‘qolib  ketmaydigan 

nimadir bо‘lishi kerak”, “har bir paydo bо‘lgan narsaning oxiri bor, lekin u mutlaq 

yо‘q  bо‘lib  ketmaydi”,  -  deydi.  Aristotel  bu  fikrni  “faylasuf  aytgan  cheksizlik 

ilohiyot, chunki u mangu, yо‘q bо‘lib ketmaydi”, - deb izohlaydi. 

Aristotelning  ana  shu  yuqorida  keltirilgan  talqini  keyingi  davr  yunon 

falsafasi  uchun  ham  hal  etuvchi  rol  о‘ynaydi.  “Cheksizlikdan  paydo  bо‘lgan 

buyumlar  ma’lum  vaqtdan  keyin  yana  asli  holiga, cheksizlikka  qaytadi.  Shunday 

qilib,  behisob  dunyolar  paydo  bо‘ladi  va  halok  bо‘ladi”.  Cheksizlik  haqidagi 

nazariya zardо‘shtiylikniig Axypa Mazdasi bilan bog‘liq edi, chunki bu xudoning 

makoni  osmondagi  cheksiz  nurda.  Anaksimandrning  ratsionalistik  fikri  bо‘yicha 

jahonda  bizning  yerimizga  о‘xshagan  “dunyolar  kо‘p,  lekin  ular  bir-biridan  juda 

uzoqda, ularni faqat tafakkur kuchi bilan bilib yetish mumkin,  kо‘rib bо‘lmaydi”. 

Bu  ta’limot  Axypa  Mazda  tomonidan  yerimizni  qurshagan  olti  kichik  ma’buda 

yaratilishi  haqidagi  ta’limot  ta’siri  ostida  kelib  chiqqan  bо‘lsa  kerak,  chunki 

zardо‘shtiylar fikricha, ularni Axypa Mazda ham bepoyonlikdan yaratgan edi. 

Anaksimandr  yaratgan  kosmogonik  ta’limot  boshqa  yunon  faylasuflari 

ijodida  uchramaydi.  Anaksimandrning  fikricha,  koinotdagi  har  bir  dunyoni  avval 

havo, keyin olov qurshagan. Yerimizning havo bilan olov qobig‘i о‘rtasida  avval 

yulduzlar, sayyorlalar, keyin oy va nihoyat quyosh joylashgan, yer konus shaklida. 

Kosmogoniyani  ana  shunday  tasavvur  etish  kohinlar  tomonidan  ishlab  chiqilgan 

zardо‘shtiylik  ta’limoti  bilan  bog‘liq.  Tо‘g‘ri  Anaksimandr  zardо‘shtiylarning 

kosmos  haqidagi  nazariyasiga  bir  qancha  о‘zgartirishlar  kiritib,  ancha 

murakkablashtiradi,  havoda  (atmosferada)  teshiklar  bor,  yulduzlarning  katta-

kichikligi  ana  shu  teshiklar  bilan  bog‘liq,  yulduzlar  teshiklar  orqali  kо‘ringan 

yerning  olov  qobig‘i  va  hokazo.  M.Boyl,  Ji  Si  (See)ga  suyangan  holda 

“Anaksimandrning  о‘zi  shunday  murakkab  ta’limotni  yunon  о‘tmishdoshlaridan 

olishi  yo  eronliklarning  ta’sirisiz  о‘zi  ishlab  chiqishi  mumkin,  deb  faraz  qilish 

mutlaq bema’nilik  bо‘lur  edi.  Lekin  ayni  vaqtda  Anaksimandr  yunon  faniga xos 

materialistik  metereologiyani  eron  kosmononiyasi  bilan  boyitgan  holda  ishlab 

chiqdi”,  -  deydi.  Anaksimandr  hayvonot  dunyosiga  bо‘lgan  munosabatida  Fales 

ta’limotidan  kelib  chiqib,  hamma  jonivorlar  namlikdan,  odamlar  hayvonlar 

evolyusiyasidan paydo bо‘lgan, deydi. 

Miletlik  faylasuf  olimlarning  uchinchisi,  Anaksimandrning  dо‘sti,  shogirdi 

Anaksimen  (e.  av.  585-523  yil)  edi.  Fales  va  Anaksimandr  asarlari  kabi 

Anaksimen merosi ham bizga boshqa mualliflarda keltirilgan parchalar orqali yetib 

kelgan.  Olimning  fikricha,  hamma  narsalar  havoning  siyraklanishi  yoki 

zichlanishidan  paydo  bо‘ladi,  siyraklansa  olov,  zichlansa  shamol,  bulut,  tuman, 

---

keyin  suv,  yer  paydo  bо‘ladi;  yer  tekis  doira,  uni  havo  ushlab  turadi.  Yerdan 

chiqqan bug‘lar musaffolashib olovga aylanadi, olov quyoshga, oy va yulduzlarga 

aylanadi, yulduzlar barglarga о‘xshab yengilgina fazoda uchib yuradilar. Yunonlar 

aytganidek, osmon yoritgichlari yer tagiga kirmaydilar, balki baland  tog‘ orqasiga 

yashirinib,  yana  chiqadilar,  kechaning  kunduz  bilan  almashinuvi  ana  shundan. 

Baland tog‘ “Hara” (Yunonlardagi Ripey tog‘i, Sharq ertaklaridagi aysonaviy Qof 

tog‘i) eroniylar ta’limoti bilan bog‘liq. 

Markaziy  Osiyoda  rivoj  topgan  ibtidoiy  falsafiy  ta’limotlar,  ayniqsa 

zardо‘shtiylik  ta’limoti  dialektika  asoschilarining  biri  bо‘lmish  efeslik  Geraklit 

(544-475 yil) dunyoqarashiga ayniqsa kuchli ta’sir etgan. Geraklit “Tabiat haqida”, 

“Muzlar”  va  “Logos”  singari  asarlar  muallifi.  Uning  asarlari  tо‘liq  yetib 

kelmasada, juda kо‘p parchalar saqlanib qolgan. 

Fales  borliqning  asosi  suv,  Anaksimandr  havo  desa,  Geraklitning  fikricha, 

hamma  narsaning  asosi  olov.  Zardо‘shtiylik  ta’limotida  esa  Axypa  Mazda 

Amesha-Spenta  —  olti  kichik  xudolar  —  olti  borliqni  olovdan  barpo  etgan,  olov 

ularga  hayot  va  issiqlik  beradi,  deyiladi.  Geraklitning  fikricha,  olov  yerdan 

chiqqan  va  uni  о‘zgartirib  yuborgan.  Olov  kosmosdagi  dunyolar  о‘rtasidagi 

aloqani  ta’minlaydi,  havo,  suv,  yer  olovdan  paydo  bо‘ladi  va  ma’lum  vaqtdan 

sо‘ng  hammasi  yana  о‘tga  aylanadi.  Dunyoda  hamma  vaqtdan  sо‘ng  hammasi 

yana о‘tga aylanadi. Dunyoda hamma narsa doimiy harakat va о‘zgarishda, qotib 

qolgan  narsa  esa  umuman  bо‘lmaydi.  Doimiy  о‘zgarish  va  harakatni  Geraklit 

qarama-qarshiliklar  birligi  va  kurashi  sifatida  tushunadi.  Bu  tezisning  asosida 

zardо‘shtiylik dinidagi Axypa Mazda bilan Angra-Manyu, Yaxshilik va Yomonlik 

о‘rtasidagi doimiy kurash yotadi.