Qadimgi Nasaf shahridan besh-o'n chaqirim shimolroq tomondagi Qo'ng'irtov

SHOIR QALBI
 
 
 
 
LiveBooks.uz kitoblar dunyosi
130

---

Saylanma. Abdulla Oripov 
Yurtda ne muborak ishlar bo‘lg‘uvsi,
Undan shoir qalbi shavqqa to‘lg‘uvsi.
Chinor o‘tqazildi, tug‘ildi farzand,
Avval shoir qalbi bo‘lgay bahramand.
Sababi ma’lumdir buning, albatta,
Tug‘ildik shu Vatan, shu mamlakatda.
Uning har go‘shasi jahondir menga,
Toshloq yo‘llari ham ravondir menga.
Taralsa elimdan xushnud bir xabar,
Tabrik aylamog‘im, demak, muqarrar.
Mavjiga nogahon kimdir tosh otgay,
Zarbi yuragimning tubiga botgay.
Elim, qadamingni har dam kuzatdim,
Goh o‘ychan, gohida xurram kuzatdim.
Gar sen daryo bo‘lsang - irmog‘ingdirman
Lat yesang, og‘riqli barmog‘ingdirman.
Menda fazilatdan bo‘lsa bir nishon,
Sening olovingdan uchqun bu, ishon!
Savobing qosh ila ko‘zimnikidir,
Faqat gunohlarim o‘zimnikidir.
1998