Qadimgi Nasaf shahridan besh-o'n chaqirim shimolroq tomondagi Qo'ng'irtov

ZARDO’SHT SO’ZI 
Qadim Xorazmning zar tuprog‘ida,
Ko‘hna Buxoroning hur quchog‘ida,
Yashagan Zardo‘shtman, donishmand zotm
O’lmas g‘oyam bilan mangu hayotman.
Yaxshi va yomonni ayladim hisob,
Va bitdim "Avesto" nomli bir kitob 
LiveBooks.uz kitoblar dunyosi
129

---

Saylanma. Abdulla Oripov 
Unda yozuvlikni yerga urganman,
Ezgulik maqomin yuksak ko‘rganman.
Ishonchim shul bo‘ldi: toju taxt, davlat
But bo‘lsa mamlakat yashnagay albat.
Uch ming yil muqaddam qadim tuproqda
Ko‘hna Buxoroyu Xorazm yoqda.
Qo‘rg‘onlar yaraldi, qal’alar o‘sdi,
Ular yovuzlikning yo‘lini to‘sdi.
Hurmuzd g‘olib bo‘lgay, Axraman mag‘lub
Yovuzlik chekingay, ezgulik marg‘ub.
Ko‘hna saltanatdan yodgor bo‘lsin to,
Sizga qoldirganim ushbu "Avesto".
1998