Q. X. Abdurahmonov, Sh. R. Xolmo’minov, N. Q. Zokirova, A. B. Irmatova personalni boshqarish darslik Toshkent – 2011

Tadbirkorlik — kapital sarflab, tovar va xizmatlar yaratish bilan foyda topishga qaratilgan iqtisodiy faoliyat, biznesning
asosiy turi.
Taklif — muayyan vaqtda muayyan narxlar bilan bozorga chiqarilgan va chiqarilishi mumkin bo’lgan tovarlar va xizmatlar miqdori.
Talab — xaridorning iste’molchining bozordagi muayyan tovarlari, ne’matlarini sotib olishga bo’lgan istagi. Haqiqiy, o’sayotgan, barqaror qondirilgan, qondirilishi kechiktirilgan, qondiril-magan, yakka, yalpi, bozor talabi va boshqa talablar bo’ladi.
Tanqid qilish — bu, mehnat faoliyati jarayonida xodimlarning bir-birlari sha’niga tanqidiy mulohazalar bildirishidir.
Tarif setkasi — bu, mehnatning murakkabligi bo’yicha ish haqini tabaqalashtirish vositasidir.
Temperament — lotincha so’zidan olingan bo’lib, — qismlarning tegishli nisbati, mutanosiblik, degan ma’noni anglatadi, shaxsning o’ziga xos xususiyatlarini, faoliyatining dinamik va hissiy tomonlarini, shuningdek, xulqatvorini aks ettiradi.
Tashkiliy jihatdan xodimlarni boshqarish — kadrlar bilan ishlashga javobgar bo’lgan shaxslar va institutlar (masalan, rahbarlar, kadrlar bo’limi, ishlab chiqarish kengashlari, kasaba uyushmalari va hokazolar) faoliyatidan iborat.
Tashkiliy tuzilish — bu, avvalo an’anaviy ravishda mehnat taqsimoti asos qilib olingan tamoyildir.
Tashkiliy madaniyat — bu, korxona va tashkilotlar xodimlari-ning amal qiladigan qadriyatlar, munosabatlar va xulq-atvor normalaridir.
Tashqi boshqaruv — bankrot bo’lgan korxonada ishni qayta tashkil etish jarayoni.
Tender (nemischa — “xizmat ko’rsatish” so’zidan) — raqobatli savdo-sotiqni amalga oshirish.
Test (inglizcha — “sinash”, “tekshirish” so’zidan) — shaxsning aqliy, qobiliyati, irodasi, bilim darajasi va boshqa sifatlarini tekshirish uchun qo’llaniladigan standart mashq.
Trest (inglizcha so’zidan) — korxonalar, firmalar birlashmasi.
Universitet (lotincha — “yig’indi”, “majmua” so’zidan) — yuksak malakali mutaxassislar tayyorlashga yo’naltirilgan ko’p tarmokli oliy o’quv-ilmiy muassasa.