Pul va banklar” faniga kirish. (2 soat) Reja: Kirish. Pul va banklar fanining maqsadi, predmeti va vazifalari. Fanning boshqa fanlar bilan bog’liqligi

Yangi ma’lumotlar. Pul-kredit va bank sohasida 2017 yilda amalga oshirilgan ishlar va 2018 yilga mo’ljallangan vazifalar to’g’risida 1. 2017 yil I yarim yilligida bank aktivlari 26 foiz yoki 19,3 trln. so‘mga oshdi, shu jumladan kredit qo‘yilmalari 34 foiz yoki 17,3 trln. so‘mga ko‘paydi. Kreditlashning o‘sishi, asosan, tarmoq va hududlarni rivojlantirish davlat dasturlarining investitsiya loyihalarini moliyalash, kichik biznes va xususiy tadbirkorlik sub’ektlarini kreditlash hamda tadbirkorlik faoliyatini boshlayotgan aholini qo‘llab-quvvatlashga to‘g‘ri keladi. Shundan kelib chiqib, inflyatsiya jarayonlarini jilovlash va pul massasining o‘sish sur’atlarini cheklash maqsadida 2017 yilning 28 iyunidan Markaziy bankning qayta moliyalash stavkasi 9 foizdan 14 foizga oshirildi. Pul-kredit siyosatining qat’iylashtirilishi monetar omillarning inflyatsiya darajasiga ta’sirini bosqichma-bosqich yumshatish va pul-kredit ko‘rsatkichlarining barqaror noinflyatsiya dinamikasini shakllantirishga imkon yaratdi. Xususan, ikkinchi yarim yillikda milliy valyutadagi pul massasi 4,7 foiz qisqardi, bu umuman 2017 yilda uning o‘sish sur’atini 9 foiz darajasida ushlab turishga sharoit yaratdi.