Пул-кредит сиёсати ва уни белгилаб берувчи омиллар

Тадқиқотнинг асосий масалалари ва фаразлари.
Ўзбекистон Республикасида пул-кредит сиёсатини амалга ошириш йўналишларини белгилаш, мамлакатда макроиқтисодий барқарорлик ва иқтисодий ўсишни таъминлаш борасида монетар сийсат самарадорлигини ошириш йўналишларини тавсия қилиш.
Мавзу бўйича адабиётлар таҳлили. Иқтисодиётни пул-кредит инструментлари орқали тартибга солишмасалаларининг айрим назарий, услубий, амалий йуналишлари бир қатор хорижлик иқтисодчи олимлар ва мутахассисларнинг илмий изланишларида ўз аксини топган. Жумладан, Г.Н.Бурлак² С.Р.Моисеев³, Д.Джеффри⁴, Т.Д.Валовая⁵, А.Н.Буренин⁶, С.М.Борисов⁷, Э.А.Баринов⁸, А.М.Калчакеева⁹, ва бошқалар томонидан ўрганиб чиқилган.
Республикамиз иқтисодчи олимлари ва мутахассисларидан Н.Х.Жумаев¹⁰, А.В.Ваҳобов¹¹, Э.А.Хошимов¹²,Ш.З.Абдуллаева¹³ва бошқалар томонидан ўрганиб чиқилган.
Магистрлик диссертациясининг назарий ва услубий асослари. Тадқиқотнинг назарий ва услубий асоси бўлиб чет эл ва мамлакатимиз иқтисодчиларининг пул-кредит муносабатларини тартибга солиш муаммоларига бағишланган ишлари ҳисобланади. Тадқиқот жараёнида Марказий банк, банк тизими, пул муомаласи, валюта-кредит вабанк фаолиятига оид илмий монографиялар, Ўзбекистон Республикаси қонунлари, Президент Фармонлари, шунингдек, Марказий банкнинг меъёрий ҳужжатлари ва бошқа материалларидан, даврий матбуот материалларидан фойдаланилди.
Битирув ишининг услубий асоси бўлиб иқтисодий ҳодисаларни ўзаро боғлиқликда ва алоқада ўрганишни назарда тутувчи билишнинг диалектик усули ҳисобланади. Ишни тайёрлаш жараёнида тадқиқотнинг мантиқий ва таққослама таҳлил, маълумотларни гуруҳлаш йўли билан статистик қайта ишлаш усули, молиявий кўрсатгичларни ҳисоблаш услубларидан фойдаланилди.
Тадқиқот натижаларининг илмий-назарий ва амалий аҳамияти. Тадқиқотнинг амалий аҳамияти шундан иборатки, илмий янгилик элементлари яхлит характерга эга ва республика иқтисодиёти ривожланишининг ҳозирги босқичида Марказий банкнинг пул-кредит ва валюта сиёсатининг ички ва ташқи мақсадларигаэришиш амалиётида қўлланилиши ва мазкур механизмнинг такомиллашувига кўмаклашиши мумкин. Шуни алоҳида таъкидлаш лозимки, диссертацияда ишлаб чиқилган хулоса ва таклифларни Ўзбекистон Республикаси Марказий банкининг пул-кредит ва валюта сиёсатининг таъсирчанлигини оширишда қўлланилиши мумкин.
Магистрлик диссертациясининг таркиби кириш, учта боб, хулоса фойдаланилган адабиётлар рўйхати ҳамда иловалардан иборат.
Ишнинг кириш қисмида мавзунинг долзарблиги, муаммонинг ўрганилганлик даражаси, тадқиқотнинг мақсади, вазифалари, объекти ва предмети, илмий янгилиги ўз аксини топган.