Prinsiplari hamda qadimgi zamon tarixi manbalari

«Matakdani  xazar  datastan»  («Bir  ming  nafar  huqukiy  ajrim»).  Paxlaviy  tilida 

yozilgan  (VIII  asr).  Asarda  Eronning  Sosoniylar  davridagi  davlat  tuzilishi  va  uning 

ijtimoiy  hayoti  haqida  qimmatli  ma’lumot  bor.  Asarning  faqat  ayrim  qismlarigina 

saqlangan.  Mitropolit  Ishobaxt  qilgan  suryoniycha  tarjimasi  (VIII  asr)  saqlangan. 

Inglizcha tarjimasi S.Y. Bulsara tomonidan chop etilgan (Bombay, 1937 y.). 

Geografik  asarlardan  «Shahristonhoyi  Eron»  hamda  «Ajoyib  as-Sakiston»ni 

ko’rsatish  mumkin.  «Shahristonhoyi  Eron»  («Eron  shaharlari  haqida  risola»)  Eronning 

Sosoniylar davridagi geografik holati, va ularning bunyod etilishi haqida ma’lumot beradi. 

«Ajoyib as-Sakiston» («Sakiston viloyatining ajoyibotlari») esa Eronzaminning ko’hna 

viloyatlaridan  Sakiston  (Seiston)ga  bag’ishlangandir.  Har  ikkala  asar  ham  pahlaviy 

tilida,  VIII  asrning  ikkinchi  yarmida  yozilgan.  «Shahristonhoyi  Eron»ning  matni  va 

qisqacha  inglizcha  tarjimasi  J.  Asana  hamda  Modi  tomonidan  1897  va  1899  yillari 

Bombayda chop etilgan. 

Kadimiy Eronning ijtimoiy-siyosiy hayotiga oid ayrim ma’lumotlarni «Kornomayi 

Artashir  Papakan»  («Artashir  Papakanning  ishlari  haqida  qissa»),  «Mazdak  namak» 

(«Mazdak haqida qissa»), «Ayatkori zariron» («Zarira haqida rivoyat»), «Podshoh Xusrav 

va uning mahrami» kabi tarixiy kissalarda uchratamiz. 

Sosoniylar  davlati  ichki  va  tashki  siyosati  asoslarini  o’rganishda  «Andarznoma» 

(«Nasihatnoma») hamda «Tojnoma» kabi etik-didaktik xarakterdagi asarlarning qimmati 

ham kattadir.