«применение современных информационно коммуникационных технологий в проведении реформ в новом узбекистане»

«Yangi O‘zbekistonda islohotlarni amalga oshirishda zamonaviy axborot-kommunikatsiya 
texnologiyalaridan foydalanish» mavzusida Xalqaro ilmiy-amaliy konferentsiya 
Andijon 
 
27-29 oktabr 2021 yil 
614 
bo’lgan internet tizimi bilan qamrab olingan. O’tgan asrning 80-yillari o’rtalariga kelib, 
ko’pgina mamlakatlar axborot rivojlanishi yo’liga - internet, multimediya, 
kosmonavtika, OAV, rivojlangan sim o’tkazuvchi, uyali, radio va sun’iy yo’ldosh 
aloqasiga asoslangan axborot tizimiga o’tdilar. SHuni ta’kidlash kerakki, bugungi 
dunyoda axborot texnologiyasida sifat jihatidan ham juda muhim o’zgarishlar yuz 
bermoqda. Agar birinchi kompyuterlar 30-yillarda elektromexanik rele asosida 
hisoblash maqsadida foydalanilgan bo’lsa, 60-yillardagi ikkinchi avloddan boshlab 
kompyuterlar yarim o’tkazgichli tranzistorlardan foydalanib tayyorlanmoqda. Ilgari bu 
kompyuterlar bir-biri bilan juda yaqin masofada bog’langan bo’lsalar, endilikda 
dunyoning xohlagan nuqtasidagi kompyuter boshqa joydagisi bilan bemalol bog’lanishi 
mumkin. Kompyuterlararo uzatilayotgan xabar esa oddiy yozishma, shaxsiy maktub 
yoki insoniyat va xalqlar taqdiriga xavf solayotgan terroristik harakatlar dasturi bo’lishi 
ham mumkin. 
Axborot sohasidagi globallashuv o’ziga xos kurash maydoniga aylangan. 
Hozirgi paytda jahonda 20 ga yaqin davlatda yadro quroli ishlab chiqarish 
harakatlari davom etayotgan bo’lsa, 120 ga yaqin mamlakatda “Axborot xuruji” 
uyushtirilayotgani tashvishli holdir. Bu axboriy tajovuzlar millat ruhiga, insoniyat 
taraqqiyotiga so’zsiz salbiy ta’sir ko’rsatishi turgan gap. Zotan, “Globallashuv 
jarayonida millatni saqlab qolishning o’zi ham boshqa global muammolar tizimida 
yangi global muammoga aylanadi,– deb yozadi professor Sadulla Otamurodov.– Uni 
saqlab qolish iqtisodiy omillarga emas, balki ma’naviy omillarga borib taqalaveradi. 
Millatning botiniy va zohiriy qiyofasini saqlab qolish yo’li bilangina uning mustaqil 
omil sifatidagi imkoniyatlarini mustahkamlash mumkin bo’ladi”[2].
Aytish joizki, globallashuvning jadallashuvi sharoitida milliy ma’naviyat 
mavjudligining o’zi yetarli emas, unda tashqi tahdidlarga qarshi qaratilgan ichki 
ruhiy qudrat, uning amal qilishi va faoliyat ko’rsatishi ham zarur bo’ladi[3]. 
Globallashuv jarayoni to’g’risida gapirganda u avvalo har bir davlatning 
taraqqiyoti va ravnaqiga beqiyos hissa qo’shayotganini ham ta’kidlash joiz. Bugungi 
kunda biror mamlakat bu jarayondan chetda turmasligi aniq. Ayni paytda 
globallashuv mafkuraviy ta’sir o’tkazish quroli sifatida namoyon bo’layotganini tan 
olmaslik mumkin emas. 
Adabiyotlar: 
1. Karimov I.A. Yuksak ma’naviyat – yengilmas kuch. T.: Ma’naviyat, 2008.
2. Otamurodov S. Globllashuv va millat. T: Yangi asr avlodi, 2008. 
3.Otamurodov S. Globallashuv va millat. T.: Yangi asr avlodi, 2008.