«применение современных информационно коммуникационных технологий в проведении реформ в новом узбекистане»

«Yangi O‘zbekistonda islohotlarni amalga oshirishda zamonaviy axborot-kommunikatsiya 
texnologiyalaridan foydalanish» mavzusida Xalqaro ilmiy-amaliy konferentsiya 
Andijon 
 
27-29 oktabr 2021 yil 
643 
МЕВА-САБЗАВОТЧИЛИК КЛАСТЕРЛАРИДА КООПЕРАЦИЯ 
МУНОСАБАТЛАРИНИ ТАШКИЛ ЭТИШНИНГ ЎЗИГА ХОС 
ХУСУСИЯТЛАРИ 
Курганов Хакимжон Рустамович АҚХАИ, “Агробизнес ва маркетинг” 
кафедраси ассистенти
, 
Бозорбоев Абдуқаҳҳор Абдуманноб ўғли АҚХАИ, “Агробизнес ва 
маркетинг” кафедраси талабаси 
Андижон қишлоқ хўжалиги ва агротехнологиялар институти, Андижон 
тумани, Ўзбекистон. 
 
Пандемия шароитида миллий иқтисодиётни модернизациялаш ва 
техник-технологик қайта қуриш жараёнлари кечаётган тараққиётнинг ҳозирги 
босқичида иқтисодиётни эркинлаштириш, аҳолининг умумий бандлиги ва 
даромадини ошириш, корхоналар ўртасида барқарор кооперацион алоқаларни 
шакллантириш, қўшилган қиймат занжирини яратиш орқали озиқ-овқат 
хавфсизлигини таъминлашга эришиш ўз ечимини кутаётган энг долзарб 
муаммолардан биридир. 
Қишлоқ хўжалигини 2030 йилгача бўлган стратегик устувор 
йўналишларидан бири сифатида қулай агробизнес муҳитини ва қўшилган 
қиймат занжирини яратитиш белгилаб берилган. Бу стратегик устувор 
йўналишларни амалга оширишда қишлоқ хўжалигида кооперациявий 
муносабатларни шакллантириш муҳим ўрин эгаллайди. 
Мева-сабзавотчилик соҳасида қўшилган қиймат занжирини яратишни 
рағбатлантириш, сифатли мева-сабзавот маҳсулотларини ишлаб чиқариш ва 
унинг экспорти барқарорлигини таъминлаш, мазкур маҳсулот ишлаб 
чиқарувчиларининг молиявий имкониятларини кенгайтириш, шунингдек, 
ишлаб чиқаришнинг рақобатбардошлигини ошириш мақсадида қишлоқ 
хўжалик кооперативларини ташкил этиш асосий вазифалардан бири этиб 
белгиланди. 
Ўзбекистон Республикаси Президентининг “Мева-сабзавотчилик 
сохасида қишлоқ хўжалиги кооперациясини ривожлантириш тўғрисида”ги 
2019 йил 14 мартдаги ПҚ-4239-сонли қарорига мувофиқ Зоминда 1 та, 
Ғаллаоролда 2 та, Булунғурда 2 та, Ургутда 2 та, Олтиариқда 3 та, Қувада 9 та, 
Паркентда 14 та ва Қибрайда 8 та, жами 41 та мева-сабзавотчилик йўналишида 
кооперативлар ташкил этилди [4]. Қишлоқ хўжалик кооперативларининг ижобий 
тажрибаларини республиканинг бошқа ҳудудларида оммалаштириш мақсадида, 
2019 йилнинг октябрь-ноябрь ойларида 21 та, шундан Жиззах, Сирдарё ва Тошкент 
вилоятларида 1 тадан, Қорақалпоғистон Республикаси ва Навоий вилоятида 2 
тадан, Сурхондарё вилоятида 5 та, Самарқанд вилоятида 9 та қишлоқ хўжалиги 
бирлашмалари ташкил этилди [4]. 
2020 йил 1 январ ҳолатига кўра, жойлардаги кооперациялар сони 66 тага етди. 
Кооперацияларга 28 минг гектардан ортиқ майдонда фаолият юритувчи 
1217та фермер хўжаликлари, 22та мева-сабзавот маҳсулотларини қайта 

---