Практикум ҳуқуқбузарлик, жиноятчиликнинг олдини олиш ва танглик вазиятидаги болалар билан ишлаш бўйича

2-машқ.
Гуруҳ аъзолари давра бўлиб ўтириб оладилар.
Бошловчи кўрсатмаси: «Ҳозир ҳаммамиз ўрнимиздан туриб бир-биримиз билан қўл бериб кўришамиз. Қани ким бир дақиқа ичида гуруҳнинг кўпчилик аъзолари билан саломлашиб чиқиши мумкин». Агар бирон киши билан 2-3 марта кўришсангиз ҳам майли. Бу машқ бажарилгандан кейин иштирокчилар давра ҳосил қилиб туради ва ўқитувчи уларга савол беради. «Қани диққат билан қарангчи, ҳамма бир-бири билан кўришиб чиқдими? Агарда кимда-ким бирон киши билан кўришишни эсидан чиқарган бўлса кўришиб олиши мумкин». Бу машқ ўқувчиларнинг ишчанлигини ва гуруҳ аъзолари ўртасидаги уюшқоқликни юзага келтириб, шахслараро муносабатни яхшилайди.
3-машқ.
Гуруҳ аъзолари давра бўлиб ўтирадилар. Бошловчи: (ўқитувчи) «Ҳозир гуруҳ аъзоларидан ҳар бири галма-гал ички ҳолатини бирон бир харакат орқали ифодалаб беради. Гуруҳнинг бошқа аъзолари эса бу ҳаракатларни
3 марта қайтаради ва ушбу жараёнда бу одамнинг ички ҳолатини иложи борича ҳис этишга эришилади. Ушбу машқ давомида гуруҳ аъзоларининг бир-бирига бўлган диққат эътибори кучаяди ва гуруҳ аҳиллиги янада ортади».
4-машқ.
Гуруҳ аъзолари давра бўлиб ўтирадилар.
Бошқарувчи кўрсатмаси:-«Ҳозир ҳар бирингизга бир ҳайвоннинг номи ёзилган қоғозларчалар тарқатилади. Одатда битта ҳайвоннинг номи иккита қоғоз ёзилган бўлади.
Масалан: Агар сизга «тўлиқ» деб ёзилган қоғоз тушса билингки, гуруҳдаги қатнашчилардан яна биттасида шундай қоғоз бор».
Бошқарувчи қоғозларни тарқатиб чиқади (агар гуруҳда аъзолар сони тоқ бўлса машқда бошқарувчи ҳам иштирок этгани маъқул).
Қоғозингизда ёзилган нарсани ўқинг. Ўқиётган нарсангиз фақат ўзингизга маълум бўлсин. Энди қоғозларни йиғиштириб қўйиш мумкин. Эндиги ҳар бир одамнинг вазифаси жуфтини топиш. Бундай ҳолатда хоҳлаган тана хатти-ҳаракатларидан фойдаланишингиз мумкин. Фақатгина гапириш ёки сиз тақлид қилаётган ҳайвонга хос овоз чиқармаслигингиз керак.
Яъни ҳар бир қилаётган харакатларимизни индамасдан, товушсиз бажаришимиз керак, ўз жуфтингизни топгандан сўнг у билан ҳеч нарса гаплашмай ёнма-ён тураверинг. Ҳамма ўз жуфтини топгандан кейин қароримиз тўғрилигини текшириб чиқамиз.
Машқ сўнггида жуфтлар ташкил топгандан кейин бошқарувчи «Сизлар ким сизлар?» деб сўраб чиқади. Одатда бу машқ жуда қувноқ ўтади. Натижада гуруҳ аъзоларининг кафияти кўтарилади, ишчанлиги ошади. Машқ давомида бошқаларга бўлган диққат эътибори кучаяди, ўз ҳолатини намоён қила олиш қобилиятига эга бўлади.