Практикум ҳуқуқбузарлик, жиноятчиликнинг олдини олиш ва танглик вазиятидаги болалар билан ишлаш бўйича

Расмли терапия.
“Мусиқа расми” машқи.


Мақсад: Иштирокчиларни релаксацион ҳолатга тушириш орқали уларни ўз муаммоларидан узоқлаштиришга эришиш.
Керакли жиҳозлар: Ҳар бир иштирокчи учун А-4 форматдаги оқ қоғоз ва рангли қаламлар.
Ўтказиш тартиби:
Ҳар бир иштирокчига тоза қоғоз хамда рангли қалам ёки фломастер тарқатилади. Сўнгра уларга тренер тамонидан кўрсатма берилади. Мусиқа қўйилгач барча иштирокчилар берилган кўрсатма асосида ҳаракат қилишлари лозим эканлиги тушунтирилади.
Кўрсатма: Ҳозир сизга мусиқа қўйиб берилади. Ўзингизга қулай ҳолатда ўтириб, мусиқани диққат билан тингланг. Шу мусиқа ёрдамида ҳаёлингизга келган тимсоллар, рамзлар ва ҳис-туйғулар асосида расм чизинг. Қоғозга мавҳум чизиқ ва фигураларни чизишингиз мумкин. Бу пайтда ҳеч қандай муаммоларингизни ўйламанг. Яна сиз нимани хохласангиз шуни чизинг. Энг асосийси сиз ўз кечинмаларингизни тўлиқ ифодалашга ҳаракат қилинг.
Машқ муҳокамаси: Иштирокчилар расм чизиб бўлишгач, чизган расмлари муҳокама қилинади. Мусиқани тинглаш орқали уларнинг хотираларига келган нарсалар ҳақида фикр алмашинилади.


“Тақдир ва ҳаёт мазмуни” методикаси.


Мақсад: Ушбу методикани муаммоли шахсларда ҳам қўллаш мумкин бўлиб, методика ёрдамида инсонни ўз хатоларини унутиш ва мақсадлари сари интилишларига эришиш.
Керакли жиҳозлар: Ҳар бир иштирокчи учун махсус бланкалар ва ручка.
Ўтказиш тартиби:
Бунда иштирокчиларга махсус варақалар тақдим этилиб, тренер тамонидан кўрсатма берилади.
Кўрсатма: Берилган варақанинг чап тарафидаги катакчаларга ҳаётда содир этган хатоликларингизни ёзинг. Энг юқори катакчага эса агар олдингиздан сеҳргар чиқиб қолса ундан сўрашингиз мумкин бўлган тилакни, яъни энг катта орзуингизни ёзинг. Қоғознинг ўнг тарафидаги катакларга эса бунинг учун амалга оширишингиз керак бўлган хатти-ҳаракатларни ёзинг.
Иштирокчилар 5 дақиқа вақт ичида вазифани бажаришлари лозим.
Машқ муҳокамаси: Иштирокчилар ўз ёзган нарсаларини ўқиб эшиттирадилар ва муҳокама қилинади. Тренер якуний хулосаларни айтади.
Якуний қисм:
- муҳокама;
- тренингни якунлаш;
- ижобий установкаларни мустаҳкамлаш.
Иштирокчилар тренинг жараёнидаги ҳолатларни, ўзлари учун янгилик бўлган тренингнинг аҳамияти ҳақидаги тасаввурлари билан ўртоқлашадилар.
Тренинг юзасидан якуний хулоса ва хайрлашув.