«Poytaxt exclisive» nashriyoti Toshkent – 2022

Seni sharaflayman, jonajon kitob
Kitobxonning yoshi va saviyasi badiiy asar mutolaasi 
uchun muhim ahamiyatga egadir.
– Kitob do‘koniga kirsam, bir bola sotuvchidan Tohir 
Malikning «Shaytanat» asarini, yonidagi do‘sti esa 
Nuriddin Ismoilning «Mafiya sardori» kitobini so‘rab 
qoldi. Sekin yonlariga borib ularning yoshlarini so‘radim. 
Birinchi bola 11 yoshda, ikkinchisi esa 13 yoshda ekanini 
aytdi. 
– Bu kitoblarni tushunib o‘qishga qiynalasiz. Ular katta 
yoshdagi kitobxonlarga mo‘ljallangan, – dedim. 
– Biz detektiv asar o‘qimoqchi edik, do‘stimning akasi 
shu kitoblarni tavsiya qildi, – dedi bola.
– Qotillik, jinoyat olami sizning ma’naviyatingizga, 
shuuringizga salbiy ta’sir ko‘rsatishi mumkin, – dedim. 
Ularga O‘tkir Hoshimov va O‘lmas Umarbeko‘v asarlarini, 
Oybekning «Bolalik» qissasini o‘qishni tavsiya qildim. 
«Gulxan» adabiy-badiiy jurnalining 
2017-yil, 5-sonidan

---

110
Ibrohim Rixsiboyev
Hikoyani o‘qib
Jurnalning o‘tgan sonida berilgan Muhabbat Ha-
mido‘vaning «Jumboq hikoyalari»ga o‘z munosa batimni 
bildirmoqchiydim. Sardor she’rni yaxshi yodlab oldi, 
ammo uning kitobiga achindim. Chunki kitob non kabi 
e’zozlanadi. Varaqlarini yelimlagan taqdirda ham kitob 
asil holiga kelmaydi. Sardor kitobni avaylashi kerak edi. 
Chunki uning ukalari ham shu kitobdan foydalanadi. 
Endi Dilshodjonga kelsak, u bolalarga dadasi olib kelgan 
kitobni berib turadi. Ammo kitob yo‘qolib qoladi. Yana tag‘in 
bolalar, kitob o‘g‘risi o‘g‘ri hisoblanmaydi, deyishadi. Nega 
endi biro‘vning omonatini o‘zlashtirish ayb sanalmas ekan?! 
Undan ko‘ra, uzr so‘rab qaytarib berganda Dilshod do‘stini 
tushungan va yana o‘qish uchun berib turgan bo‘lar edi. 
Negaki, Dilshodjon mehribon va qo‘li ochiq bola.
Avtobusdagi holat ham meni o‘yga toldirdi. Keksa 
yoshdagi yo‘lovchilarga joy berish yoshlarning vazifasi-
ku?! Kitobni uyga borganda ham o‘qisa bo‘ladi. Nazarimda, 
bu joy bermaslik uchun bir bahona bo‘lsa kerak.
«Gulxan» adabiy-badiiy jurnalining 
2017-yil 6-sonidan