Portlash Yonish xavfi bor kimyo, neft kimyo va neft gazni qayta ishlash korxonalari uchUN PORTlash XAVFSIZLIGINING UMUMIY QOIDALARINI TASDIQlash to‘G‘risida

§ 4. Gaz tahlilining avtomatik vositalari.
221. Gazlanganlikni nazorat qilish uchun, odatda, chegaraviy ruxsat berilgan o‘lchamlariga (kattalikka) etganda ishlab ketadigan signalizatsiyali avtomatik gaz tahlili vositalari nazarda tutiladi. Bunda gazlanganlikni barcha hollari asboblar bilan qayd etilishi zarur.
222. Datchiklar yoki analizatorlarning namuna olish moslamalari soni va o‘rnatilish joyi loyihada belgilanadi.
§ 5. Nazorat, boshqarish va AQAH tizimlarini energiya bilan ta’minlash.
223. I toifali portlash xavfi bor texnologik blokli obyektlarni, boshqaruv va AQAH tizimlarining energiya ta’minoti ishonchliligi bo‘yicha elektr qurilmalar tuzilishiga me’yoriy hujjatlar talablariga muvofiq I toifa elektr qabul qilgich maxsus guruhga kiradi (ETQ)
II va III toifali portlash xavfi bor texnologik blokli obyektlarining nazorat, boshqaruv va AQAH tizimlarini elektr qabul qilgich maxsus guruhiga kiritish zaruriyati, loyiha orqali aniqlanadi.
224. I toifali portlash xavfi bor texnologik blokli obyektlarning nazorat, boshqaruv va AQAH tizimi ta’minoti uchun mo‘ljallangan elektr ta’minotining uchinchi mustaqil manbaining quvvati texnologik obyektni avariyasiz to‘xtatishda ishlatiladigan tizimning barcha elementlari ishlarini ta’minlashi kerak.
225. Nazorat, boshqaruv va AQAH pnevmatik tizimlari uchun siqilgan havoning alohida qurilmasi va alohida tarmog‘i nazarda tutiladi.
226. NO‘A va A tizimlari va havo kompressorlari uchun havoni changdan, moydan, namlikdan tozalangan bo‘lishi kerak.
Siqilgan havo sifati tayyorlovchi-zavod tomonidan NO‘A va A asbob va tizimlariga texnik hujjatlarda (pasportlarda) o‘rnatilgan talablarga mos bo‘lishi kerak.
227. Boshqaruv va AQAH vositalarini siqilgan havo bilan ta’minlash tizimi kompressorlar to‘xtatilganda obyektni avariyasiz to‘xtatish uchun yetarli vaqt ichida nazorat, boshqaruv va AQAH tizimlarini havo bilan ta’minlovchi bufer sig‘imlarga (resiverlar) ega bo‘lishi, bu esa hisob bilan tasdiqlangan bo‘lishi kerak, lekin 1 s. dan kam bo‘lmagan holda. Nazorat, boshqaruv va AQAH vositalari uchun mo‘ljallangan siqilgan havoni boshqa maqsadlarga ishlatishga yo‘l qo‘yilmaydi.
228. Sexga kirayotgan havoning ifloslanganligini tahlil qilish uchun namuna oluvchi qurilma nazarda tutiladi. Tahlillarning davriyligi amaldagi me’yoriy-texnik hujjatlar bilan aniqlanadi.
229. Texnologik obyektlarni boshqarish va havo siquvchi qurilmalarning binolari, tarmoqda siqilgan havo bosimi bufer sig‘imlarigacha (resiverlar) tushganda, ishlab ketuvchi yorug‘lik va tovushli signalizatsiya bilan jihozlanishi kerak.
230. Inert gazni NO‘A va A ta’minot tizimi uchun ishlatishga ruxsat berilmaydi.