Polimerlarning kimyoviy sinflanishi

Polimetilenoksidi formal’degidni turli usullar bilan polimerlab olinadi. Formal’degid esa, amalda quyidagi usullarda sintez qilinadi:

a) metanga 500 – 600⁰da NO₂ katalizatori ishtirokida kislorod ta’sir ettirib:

CH₄ + O₂ → CH₂O + H₂O

b) metil spirtni 500 – 700⁰da Pt va CuO katalizatorlari ishtirokida oksidlab:

CH₃OH + O₂ → CH₂O + H₂O

v) uglerod (II) - oksid bilan vodorodni o’zaro ta’sir ettirib ham olish mumkin:

CO + H₂ → CH₂O

Formal’degid oddiy sharoitda rangsiz, o’tkir hidli gaz, -118⁰ da suyuqlanadi, -19⁰ da qaynaydi. U gaz holida tez polimerlanadi. Formal’degid polimerlanish natijasida 2 xil tuzilishli polimer hosil qiladi:

Formal’degid dastlab polimerlanganda qattiq modda– paraformal’degid hosil bo’ladi. Paraformal’degidni polimerlanish darajasi juda kichik. U kristall modda bo’lib, uning formulasini (CH₂O)_x*H₂O ifodalash mumkin. Formulada x = 8 dan 100 gacha, issiqlik ta’siriga beqaror, parchalanadi va gaz holiga o’tadi.

Ikkinchisi polimetilenoksididir: .....- CH₂O - CH₂O - CH₂O - CH₂O - ..... U sanoatda va texnikada katta ahamiyatga egadir.