Polietilenni termik barqarorligini oshirish texnologiyasini ishlab chiqish

II. XOM ASHYOLAR TASNIFI VA TADQIQOT USULLARI

2.1. Dastlabki moddalar va ularning tavsifi

Past bosimli polietilen (markasi B-Y456) kimyoviy formulasi (C₂H₄)_n, zichligi 0,942-0,970 g/sm³, oquvchanlik ko‘rsatkichi 0,32 g/10 min., uzilishdagi mustahkamlik 21 MPa, cho‘zilishdagi mustahkamlik 21 MPa, uzilishdagi nisbiy uzayish 750%, Vika bo‘yicha yumshash harorati 122-135⁰S, mo‘rtlik harorati (sovuqbardoshlik) -70⁰S dan -150⁰S gacha.

Yuqori bosimli polietilen (markasi F-0220S) kimyoviy formulasi (C₂H₄)_n, zichligi 0,917-0,935 g/sm³, oquvchanlik ko‘rsatkichi 2,5 g/10 min., uzilishdagi mustahkamlik 10-17 MPa, cho‘zilishdagi mustahkamlik 45 MPa, uzilishdagi nisbiy uzayish 50 dan 600% gacha, Vika bo‘yicha yumshash harorati 115⁰S, mo‘rtlik harorati (sovuqbardoshlik) -80⁰S dan -120⁰S gacha.

Gossipol smolasi – tashqi ko‘rinishi to‘q jigarrangdan qora ranggacha bo‘lgan bir xil tarkibli massa. Uning sifat ko‘rsatkichlari quyidagi 2-jadvalda keltirilgan.
Gossipolning sifat ko‘rsatkichlari
3-jadval

Ko‘rsatkichlar nomi	Tavsifi va me’yorlari
	1 tur	2 tur
Tashqi ko‘rinishi va rangi	To‘q jigarrangdan qora ranggacha bo‘lgan bir xil tarkibli massa
Kislota soni, mg KON/g, oralig‘ida	71-100		50-70
Asetondagi eruvchanlik, % dan kam emas	80		70
Kulning massaviy ulushi, % dan kam emas	1,0		1,2
Namlik va uchuvchan moddalarning massaviy ulushi, % dan ortiq emas	4,0		4,0

Gossipol smolasi yonuvchan mahsulot bo‘lib, quyidagi sifat ko‘rsatkichlariga ega:

Erish harorati, ⁰S - 70
Uchqunlanish harorati, ⁰S - 250
Yonish harorati, ⁰S - 285
Gossipol smolasi qo‘llanilganda, saqlash va transportda tashish vaqtida yong‘in xavfsizligi qoidalariga rioya qilish kerak. Gossipol smolasini texnik reglament talablariga mosligini ta’minlash uchun, ishlab chiqaruvchi nazorat qilish dasturini ishlab chiqishi va nazorat o‘tkazishi kerak.