Польша Республикаси

2.16 – расм. Берлин кўчалари тагида ер ости муҳандислик тармоқларини намунавий жойлаштирилиши
1 –телефон тармоқлари коллектори; 2 – газ тармоғи; 3 – кучланиш токлари кабеллари; 4 – ичимлик сув тармоғи; 5 - оқова сув тармоғи.

Ер ости муҳандислик тармоқларини жойлаштиришдаги немис усулининг энг катта камчилиги, бу тармоқларни кўчанинг транспорт қатнови қисми тагида кўплаб жойлашганлигидадир. Бунда ҳар бир ер ости муҳандислик тармоқларини ва коммуникацияларини тамирлаш, қайта бунёд этиш ва назорат қилиш жараёнида транспорт ҳаракатига катта миқдорда тўсқинликлар содир этилади. Бу борадаги камчиликларни бартараф этиш учун мамлакатда яратилган «шаҳарнинг кўча ва йўлларини лойиҳалаштириш қоидалари» номли ишлаб чиқилган меъёрий ҳужжатда ҳам ушбу ҳолатларнинг камчилиги кўрсатилган. Лекинда Германия шаҳарларининг қадимийлиги ва улардаги кўчалар қурилмаларининг мустаҳкамлиги ҳамда уларнинг кенгайтиришга имконият йўқлиги ҳам ушбу ҳужжатлардан фойдаланишнинг имкониятини чеклайди. Шаҳарсозликнинг мазкур қоидасини фақатгини шаҳарнинг янги ривожланадиган ҳудудларида, туманларида қўллаш мумкин. Таъкидлаб ўтилган муаммоларни бартараф этиш борасида доктор Радики томонидан кўчанинг ҳар икки томонидан 2.5-3 м кенгликда ер ости муҳандислик тармоқларини жойлаштириш учун махсус техник йўлак барпо этилиши таклиф этилган ва ушбу таклиф Германия шаҳарсозлигида муҳандислик тармоқларини қайта таъмирлаш жараёнида асоснома сифатида қабул қилинган. Германиянинг Бонн ва бошқа шаҳарларида ҳозирда қадимдан ўрнатилган тротуар қатнови тагидаги оқова сув коллекторлари ҳозирда кўчанинг транспорт қатнови тагида жойлаштириш яхши самара бермоқда, сабаби, оқова сув коллекторларининг диаметрик ўлчами йириклиги ҳамда ундаги оқова сувларни ўз оқими билан оқишини таъминлаш мақсадида ушбу тармоқ айрим жойларда жуда ҳам чуқур кўмилишига олиб келади. Унинг учун фақатгина кўчанинг транспорт қатнови тагида имкониятлар мавжуд. Қолган барча ер ости муҳандислик тармоқлари 2.10-расмда кўрсатилганидек ўтиши мумкин бўлган умумий коллекторларда жойлаштирилади.