Польша Республикаси

saqay hamda shahar maishiy xizmatida katta q ulayliklarni keltirib chiqaradi.


Польша Республикаси. Поляк меъёрларида ер ости муҳандислик тармоқлари асосан кўчанинг транспорт қатнови қисмида тагида коллекторларда жойлаштирилиши, шунинг билан биргаликда дренаж тармоқларини ҳам унда жойлаштирилиши кўзда тутилган. Фақатгина шаҳар миқёсидаги тарқатувчи тармоқлар пиёдалар қатнови йўлаги тагида ва айрим кўкаламзор йўлак-хиёбонлар тагида жойлашиши белгиланган. Ушбу йўлакларнинг эни 2.5 - 4 метрни ташкил этади. Умумшаҳар миқёсидаги тармоқлар: ичимлик суви тармоғи, газ тармоғи, иситиш тармоғи ва турли кучланишдаги кабеллар силсиласи асосан пиёдалар йўлаги ва яшилзор майдончалар тагида жойлаштирилади.
Ер ости муҳандислик тармоқларини жойлаштирилиши, яъни уларни қурилиш чизиғидан бошлаб кўчанинг ўқи томонига қараб жойлаштириш тартиблари қуйидагича амалга оширилади: алоқа кабели, электр кабели, газ қувури, ичимлик сув қувури, иситиш қувури, ундан сўнг умумшаҳар миқёсига эга бўлган ичимлик сув қувури, газ қувури, иссиқлик таъминоти қувури, дренаж ва оқова сув коллекторлари жойлаштирилади. Бундай усулни қўллашда кўчанинг кўндаланг кесим ўлчами Россия шаҳарсозлигида қўлланиладиган усулларга нисбатан кўчанинг умумий эни катта миқдорда тежалади. Поляк меъёрларида белгиланган ер ости муҳандислик оралиғидаги масофа ҳар бир тармоқлар оралиғида ярим метрдан тежалади.
Чехия ва Словакия мамлакатлари шаҳарларида ер ости муҳандислик тармоқларини жойлаштирилиши шаҳар кўчасининг энини тежашга қаратилган бўлиб, улар шаҳар кўчаси тагида 7 метрдан 27 метргача бўлган оралиқдан ошмаслиги белгилаб қўйилган. Ушбу давлатларда ҳам қабул қилинган стандартлар асосида ер ости муҳандислиик тармоқларининг жойлашиши Россия ва Марказий Осиё шаҳарлари меъёрларига нисбатан кўча энини катта миқдорда тежайди. Шаҳарнинг қадимий қисмида эса мамлакатнинг белгиланган меъёрлар стандартларидан фойдаланиш имконияти чекланган.
Германия Федератив Республикаси шаҳарсозлигида ер ости муҳандислик тармоқларини жойлаштиришда кабель тармоқлари пиёдалар йўлаклари тагида умумшаҳар миқёсига эга бўлган тармоқлар эса белгиланган стандартларга қаттиқ риоя қилинган ҳолда 3.1 - расмда кўрсатилган бўйича қурилиш чизигидан бошлаб жойлашиши қўрсатилган. Мамлакатнинг белгиланган стандартларида турли ўлчамдаги кўчалар кўндаланг кесимининг 10 та тури белгилаб берилган. Шаҳарнинг айрим кўчалари кўндаланг кесимларини шакллантиришнинг аниқ шакли белгиланган бўлиб, унда оқова сув тармоғи кўчанинг транспорт қатнови қисми четидан ва пиёдалар қатнов қисми тагидан жойлашиши белгилаб берилган.
Пиёдалар йўлаги ер ости фазосида муҳандислик тармоқларини жойлаштиришнинг асосий муаммоси - бу иқтисодий талабларларнинг мавқеъйи биринчи ўринга қўйилишидадир. Мисол учун, газ қувурларининг эни 0.3-0.6 м, ичимлик суви қувури эни 0.3-0.36 м, алоқа тармоғи кабеллари учун 0.3-1.8 м, электр кабеллари учун 0.4-1.1 м, оқова суви тармоғи учун 1.1 м қабул қилинган.