Пневматик сеялканинг ва экиш аппаратининг вазифаси, тузилиши тафсилотлари

СМХ-4-04 сеялкасининг техникавий тавфсифлари

• 
  ишчи тезлик – 5,0...8,0 км/соат
  

• 
  екиладиган қаторларнинг оралигʻи – 60, 70, 90 см
  
• 
  қамраш кенглиги – 2,4; 2,8; 3,6 м
  
• 
  иш унуми – 1,2...3,6 га/соат
  
• 
  пневматик аппаратлар сони – 4
  
• 
  пневмотизимдаги сийраклик – 3,0...7,0 кПа
  

Сеялканинг конструксияси, иш жараёнининг соддалиги ва бир неча хил экинларни исталган қатор оралигʻида экиши унинг универсаллигини таъминлайди. Сеялка ёрдамида оʻгʻит ва гербисидлар солиш ва сугʻориш учун эгат очиш ҳам мумкин. Бу сеялкада:
- уругʻлар уяларга аниқ сонда экилади;
- уялар ораси керакли оʻлчамда оʻзгартирилиши мумкин;
- чигит керакли чуқурликда тупроқ коʻмгич ёрдамида коʻмилади
Екин қаторлари тоʻгʻри боʻлиши, уяларнинг қатордан четлашиши 3 см дан ошмаслиги зарур. Чигит пунктир усулда орасида 8...12 см, коʻчатнинг асл қалинлиги гектарига 100...120 минг туп боʻладиган қилиб экилади. Экиш билан бир вақтда 1,0...1,2 кг/га меъёрда (ишчи эритма меъёри 120…150 л/га) гербисид сепиш лозим.
Сеялка ишлаганда уругʻ бункердаги чигитлар (7.1-расм) таминлаш камераси 4 га узлуксиз тушиб туради. Пневматик экиш аппарати 7 номинал миқдордаги чигитларни полизсимон сошник 6 ҳосил қилган эгатчага ташлаб туради, тор эгатча эса прикатка 10 билан коʻмиб зичланади. Тракторнинг орқа қисмида махсус брусга оʻрнатилган соʻрувчи вентилатор 2 орқа мустақил қувват олиш вали 1 дан понасимон тасмали узатма 8 орқали ҳаракатга келтирилади. Вентилаторнинг корпусида 4, 6 ёки 8 та қисқа труба бор. Улар сеялканинг неча қаторлилигига қараб танланади. Вентилаторнинг корпусидаги ҳар қайси қисқа трубага пневматик аппарат 7 нинг соʻриш камерасини вентилаторга богʻловчи шланг 5 уланади. Пневматик аппаратнинг экиш диски прикаткадан занжирли узатма 9 воситасида айлантирилади. Прикатканинг сирпанмасдан айланиши учун унга қоʻшимча чоʻян тошлар бириктирилган.
Қаторга экиладиган чигитларнинг ораси занжирли узатманинг ҳаракат узатиш нисбатини танлаш ёʻли билан ростланади. Сошникнинг горизонтал вазияти ва экиш чуқурлиги тортқилар системаси ёрдамида ростланади. Пневматик сеялка билан экинлар қатор ораларини 35...100 см қилиб экиш мумкин. Бунинг учун экиш сексияси брус боʻйлаб зарур томонга силжитилади.
Сеялканинг асосий қисми – пневматик экиш аппаратидан иборат (7.2-расм). Экиш аппаратлари бункердаги уругʻларни деярли шикастлантирмасдан муайян миқдорда ва тартибда ажратиб беради. Пневматик аппарат вакуум ёки атмосфера босимидан ортиқ босим ёрдамида ишлаши мумкин.
СМХ-4-04 русумли сеялкадаги вакуум ёрдамида ишлайдиган аппарат корпус 2, экиш диски 4, вакуум камераси, тоʻзитгич 5, қайтаргич 9, бункер 1 ва таъминлаш камерасидан тузилган. Экиш дискнинг четида уругʻларни соʻриб оладиган тешиклар ясалган. Таъминлаш ва вакуум камералари диск текислигининг қарама–қарши томонларида жойлаштирилган. Вакуум камераси диск текислигини тоʻлиқ қопламасдан, дискнинг фақат тақа шаклидаги чет қисмигагина зич тегиб туради. Вакуум камераси корпуснинг танасида айлана боʻйлаб ясалган боши берк ариқчадан иборат. Ариқчанинг оʻрта қисмидан оʻтказилган айлана радиуси экиш диски тешикларининг жойлашиш радиусига тенг боʻлади. Ариқчанинг радиус боʻйлаб кенглиги 10 дан 28 мм гача оʻзгаради. Бу ариқча диск билан ёпилгандан кейин сийраклаш камераси ҳосил боʻлади. Вакуум камераси патрубок ва шланг воситасида сеялканинг вентилаторига уланади.

7.1-расм. СМХ сеялкаси экиш сексиясининг схемаси: 1 – ҚОВ; 2 – соʻрувчи вентилятор; 3 – уругʻ банкаси; 4 – таъминлаш камераси; 5 – шланг; 6 – сошник; 7 - экиш аппарати; 8 – понасимон тасмали узатма; 9 – занжирли узатма; 10 – прикатка

Шундай қилиб, дискнинг пастки боʻлаги вакуум камерасидан ташқарида боʻлиб, бу боʻлакдаги тешиклар атмосфера босими остида боʻлади. Бу камералар орасида жойлашган ва уларни бир–биридан ажратиб турадиган экиш диски 2 горизонтал вал 8 квадратли учига оʻрнатилган. Бу вал таъминлаш камерасининг корпусидаги сирпаниш подшипнигида айланади. Экиш диски (қалинлиги 2 мм ва сиртқи диаметри 140 мм) боʻлган вакуум камерасига резина парракли тоʻзиткич ёрдамида қисилиб турилади. Дискнинг вакуум камерасига ишқаланиш кучи оз боʻлиши керак, акс ҳолда диск тез ейилиши ва унга ҳаракат узатувчи прикатка сирпаниб айланиши мумкин. Тоʻзиткич ҳам валнинг квадратли учига оʻрнатилган. У таъминлаш камерасидаги чигитларни тоʻзитиб, уларнинг экиш дискидаги тешикларга соʻрилиб, ёпишишини осонлаштиради. Таъминлаш камераси атмосфера билан богʻланган. Унинг ички юқори қисмига қайтаргич оʻрнатилган боʻлиб, экиш дискининг тешикларига ёпишган ортиқча чигитларни тушириб юборади. Қайтаргичнинг штирларини тешикларга яқинлаштириш учун планкани махсус ричаг ёрдамида оʻз оʻқи атрофида буриш мумкин. Йирик чигитларни экишда штирлар тешикдан узоқлаштирилади, майда чигитларни экишда эса, аксинча яқинлаштирилади. Планкани буровчи ричаг махсус шкала билан жиҳозланган сектор боʻйлаб соʻрилади.

Аппаратнинг иш жараёни қуйидагича оʻтади. Бункердаги уругʻлар (7.2-расм) тарқатиш камерасига узлуксиз тушиб туради. Уларни тоʻзиткич сочиб туриши сабабли, дискдаги ҳар бир тешикка биттадан уругʻ соʻрилиб, ёпишиб қолади. Тешикларга жойлашган уругʻлар диск билан биргаликда юқорига коʻтарилиб, тешикка ёпишмаган уругʻлар қайтаргич таъсирида сидирилиб олиб қолинади. Тешикларга ёпишиб қолган уругʻлар диск билан биргаликда пастдаги вакуум йоʻқ боʻлган жойга келганида, оʻз огʻирлиги билан тушиб кетади. Бункердан уругʻни ажратиб олиш тартиби ва миқдорини оʻзгартириш учун тешиклари керакли тартибда жойлаштирилган дискни танлаш ва унинг айланиш тезлигини оʻзгартириш йоʻли билан амалга оширилади. Айланиш частотаси катталашиши билан уругʻларни экиш аниқлиги пасаяди, чунки бунда тешикларнинг соʻриб олиши ёмонлашиб, эгатга экилган уругʻлар орасидаги интервал боʻш уялар ҳисобига катталашади.

7.2-расм. СМХ-4-04 сеялкаси пневматик аппаратининг схемаси: 1–бункер; 2–таъминлаш камераси; 3–вакуум корпуси камераси; 4–екиш диски; 5 –тоʻзиткич; 6 –қистирма; 7–гайка; 8–вал; 9–қайтаргич вилкаси; 10-тоʻзиткич;11–пластина.
7.1 – жадвал
Екиш дискларининг вазифаси ва параметрлари

Дискларниниг номланиши	Екинниг тури	Екиш тури	Тешиклар сони диаметри, гуруҳи
СМС. 20.404	Чигит (туксизлан.)	Пунктирли	36 х 3,5
СМС. 20.404-5	Маккажоʻхори	Пунктирли -уяли	18х 3,5 х 2,0
СМС. 20.404-1	Жоʻхори	Пунктирли	24 х 4,5
СМС. 20.404-2	Ерёнгʻоқ	Пунктирли	18 х 5,5
СМС. 20.404-3	Қанд лавлаги	Пунктирли	30 х 2,4
	Ноʻхат, мош	Пунктирли	30 х 3,0
СМС. 20.404-4	Лавлаги	Пунктирли	30 х 3,0

7.3-расм. Аппарат юритмасининг ростлаш схемаси: А–сеялка гʻилдираги валидаги етакчи юлдузча; Б–контр юритма оралиқ валидаги юлдузча; Д–ростловчи блок-юлдузча; э-екиш аппаратининг валидаги уетакланувчи юлдузча; Ф–ростланувчи блок–юлдузча

Гектарга уругʻнинг керакли сонини экиш учун экиш дискининг айланиш частотаси ҳамда диск тешикларининг сони ва диаметрлари оʻзгартириш билан эришилади. Дискнинг айланиш частотаси (н) (мин^-1) сеялканинг гʻилдирагидан аппаратлар валига ҳаракат узатиш нисбати (и) оʻзгартириб ростланади. Бунинг учун юлдузчалар алмаштирилади (7.3-расм). Диск тешикларининг сони ва диаметрини оʻзгартириш учун – диск алмаштирилади. Сеялкани турли миқдорда уругʻ экишга созлашда махсус жадваллардан (7.1 ва7.2 – жадваллар) фойдаланиш керак.