Пневматик сеялканинг ва экиш аппаратининг вазифаси, тузилиши тафсилотлари

Сеялкаларни ишга тайёрлаш ва созлаш тартиблари
СТХ-4, СЧХ-4, СХУ-4, СМХ-4 русумли сеялкаларнинг экиш ап- паратларига тукли чигитдан маълум микдорда солиб, ер шароитига қараб ҳар бир метрга 30 дан 50 донагача тушадиган қилиб созлаш керак. Бунинг учун сеялкани кўтариб қўйилади ва унинг ғилдираклари айлантирилиб, экиш аппаратларига ҳаракат берилади ва бир метрга тушаёгган чигит миқдори аниқланади. Агар сарф қилинадиган уруғ миқдори белгиланган меъёрдан ортиқ бўлса, экиш ғалтакларидаги тирқишни торайтириш, кам бўлса кенгайтириш зарур.
Чигит уялаб экилганда уялар орасидаги масофа уяловчи аппаратни ҳаракатга келтирувчи валдаги 12, 16, 18 ва 25 тишли юлдузчалар ҳамда уяловчи дискнинг парраклари сонини ўзгартириш орқали созланади.
Чигитнинг кўмиш чуқурлиги сирпанчиқни кўтариб-тушириш йўли билан 3-8 см атрофида созланади. Ер оби-тобида бўлса, чигитни 4-5 см чуқурликка кўмиб кетадиган қилиб созлаш мақсадга мувофиқ.
Сеялка сошниги ҳамда Тупроқни зичловчи катокларнинг ерга кўр- сатадиган босими секциялардаги тарангловчи пружиналар ёрдамида созланади. Бу босим ди­намометр билан ўлчаганда 30-35 кг кучга тенг бўлиши керак.
Экиш агрегатлари далага олиб чиқилгандан кейин хар бир пайкалда байроқчалар билан экиш чизикдари белгиланади. Қатор орасини кенглигига қараб маркерлар узунлиги танланади. Агар қатор оралари 60 см бўлса, у вактда охирги сошник тумшуғидан маркер дискигача бўлган масофа 150 см, қатор оралари 90 см бўлганда эса 225 см бўлиши керак. Бу масофа маркер дискини унинг ўқи бўйлаб силжитиш оркали ростланади.
Дала шароитида чигитнинг тўлик тушиши ва унинг кўмиш чуқурлиги сеялкачи томонидан доимо кузатилиб борилади.
“Кейс-1200” русумли 8 қаторли пневматик сеялкалар туксизлан- тирилган чигитни доналаб ҳар бир метрга 15-17 донадан экиш имкониятига эга бўлиб, қўш дискли сошниклар ёрдамида ариқча очади, уни ёнига минерал ўғит солади, сферик дисклар уруғларни керакли чуқурликка кўмади, катоклар уруғ устидаги тупроқни зичлаб кетади.
Уруғлар оралиғи рамага ўрнатилган қутидаги юлдузчаларнинг айланма тезлиги ҳамда экувчи дискдаги тешиклар сонини ўзгартириш билан созланади.
“Кейс-1200” сеялкасининг экиш секциялари модулли бўлгани учун экиш қаторлари ораси кенглигини 30 дан 102 сантиметргача ўзгартириш имконияти бор.