Pán: Ádebiyat Klass: 6 Waqtı

III.Taza tema túsindiriw: (15 minut) Zulfiyanıń ómiri hám dóretiwshiligi “Ulım sira urıs bolmaydı” qosıǵı
Zulfiya Israilova házirgi zaman ózbek ádebiyatınıń eń iri wákilleriniń biri. Shayıranıń dóretiwshiligi oǵada keń hám kórkemlik jaqtan jetilisken, yoshlı shıǵarmalardan ibarat. Onıń qosıqları lirikalıq tuyǵılarǵa, ráńbáreń súwretlewlerge, ájayıp obrazlarǵa bay bolıp dóretiledi.Zulfiya 1915-jılı 1-martta Tashkent qalasında ónerment xojalıǵında dúnyaǵa keledi. Mektepti hám joqarı oqıw ornın pitkergennen keyin A. S. Pushkin atındaǵı til hám ádebiyat institutında aspiranturada oqıydı. Keyin «Ózbekistan» mámleketlik baspasında, Ózbekistan Jazıwshılar awqamında, gazeta, jurnallarda isledi. Ol uzaq jıllar dawamında «Saodat» jurnalınıń bas redaktorı bolıp xızmet etti.Zulfiya jámiyetlik isker sıpatında respublikalıq mádeniyat isine de belsene qatnastı. Sonlıqtan da oǵan burınǵı awqamnıń birqansha mámleketlik sıylıqları berildi.Ózbekistan xalıq shayırası degen eń joqarı ataqqa da iye boldı. Zulfiya on úsh — on tórt jaslarınan baslap qosıq jaza baslaǵan. Onıń qosıqları 1930-jıldan baslap basılıp shıǵa baslaydı.1932-jılı jas shayıranıń «Hayot varaqlari» degen
atamada birinshi kitabı basılıp shıǵadı.Sońınan shayıranıń hár qıylı jıllarda «Hulkar», «Men tańdı jırlayman», «Doslar menen sáwbeti», «Lirika», «Júregime jaqın adamlar», «Gúllerim», «Dástanlar», «Kamalak» sıyaqlı onlaǵan kitapları baspadan shıqtı.Zulfiya qosıq janrı menen birge ocherk hám publicistikalıq shiǵarmalar da jazdı. Tuwısqan xalıqlardıń shıǵarmaların ózbek tiline awdardı.
Ulım, sirá urıs bolmaydı
Báhár keldi. Jadırap kún,
Qarlıǵashlar qalqıp ushtı.
Uyqılap atırǵan ulımnıń,
Lábi ústine saya tústi.

Álle nege tınıshsızlanıp,

Qaray berdim men balama...
Ómirdi ol eplep tanıp,
Eseymekte jańa ǵana.

Boyǵa házir mennen asar,

Kóksine bas qoya alaman.
Ákesiniń ornın basar,
Jigerbentim, bolǵay aman.

Súyikli yar salǵan jayda

Óser onıń jádigeri.
Quwanar edi-aw, balam, ol da.
Kórse házir ákeń seni.
Zalım urıs! Atıń óshsin!
Sen sebepli kewil jara.
Kóp úylerde sen sebepli,
«Áke» sózin bilmes bala.
«Áke» sózin julıp aldıń,
Náresteniń tilinen sen.
Ele de jaqsı, watanı bar.
Onı jetimsiretpegen.
Ana bolıp asırap men,
Áke bolıp jolǵa saldım,