Personalni boshqarish” kafedrasi Professional ta’lim tizimi kadrlarining malakasini oshirish kursi

M U N D A R I J A

Bitiruv malakaviy ishi boblari va paragroflari		Beti
Kirish
I-bob.	Kasb hunar maktablarida psixologik xizmat ko’rsatish xodimining vazifalari
1.1.	Kasb hunar maktablarida psixologik xizmat ko’rsatish xodimiga qo`yiladigan talablar
1.2.	Professional ta’lim muassasalarida sog‘lom psixologik muhitni yaratishda psixologik xizmat xodimining o’ziga xos xususiyatlari
II-bob.	Kasb hunar maktablarida sog’lom psixologik muhitni yaratishda psixologning asosiy amaliy faoliyati
2.1.	Ta`lim muassasalarida sog`lom psixologik muhitni yaratish bo`yicha chora-tadbirlar
2.2.	Sog`lom psixologik muhitni yaratishda psixolog faoliyatda korreksion ishlarni tashkil qilish
Xulosa
Takliflar
Foydalanilgan adabiyotlar ro’yxati
Ilovalar

KIRISH

Ta’lim muassasalarida o’quvchilarni psixologik-pedagogik qo’llab-quvvatlash ishlarini yanada takomillashtirish to’g’risida O’zbekiston Respublikasi Vazirlar Mahkamasi qarori hamda O’zbekiston Respublikasi Prezidentining «Yoshlarni ma’naviy-axloqiy va jismoniy barkamol etib tarbiyalash, ularga ta’lim-tarbiya berish tizimini sifat jihatidan yangi bosqichga ko’tarish chora-tadbirlari to’g’risida» 2018 yil 14 avgustdagi PQ-3907-son qarori shuningdek, davlat ta’lim muassasalarida o’quvchilarni psixologik-pedagogik qo’llab-quvvatlash tizimini yanada takomillashtirish maqsadida Vazirlar Mahkamasi qaroriga asosan kasb-hunar maktablarida psixologik xizmat xodimining maqsad va vazifalari keng yoritib berilgan.

Psixologik xizmatning maqsadi o’quvchilarning ma’naviy va aqliy rivojlanishi, barkamol shaxs sifatida shakllanishi, faol ijtimoiy moslashuvi va ularning yosh davrlari bo’yicha rivojlanishida salomatligini muhofaza qilish, uzluksiz ta’lim jarayonida o’zligini anglashi, individual psixologik xususiyatlari, shaxsiy imkoniyatlari va qobiliyatlarini namoyon etishlari uchun psixologik-pedagogik shart-sharoitlar yaratishdan iborat.
Kasb-hunar maktablarida psixologik xizmat faoliyatini tashkil etish ishlarini sifatli tashkil etish, shu jumladan, ish faoliyatiga zamonaviy axborot-kommunikatsiya texnologiyalarini qo’llash orqali o’quvchilarni kasb-hunarga yo’naltirish ishlari samaradorligini oshirish;
o’quvchilarning qobiliyati, layoqati, qiziqishlari hamda kasb-hunarga moyilliklari asosida kasb-hunarni to’g’ri tanlashlariga ko’maklashish;
turli yosh davrlarida o’quvchilarning shaxsiy, aqliy va ijtimoiy rivojlanishini psixologik jihatdan kuzatib borish, ta’lim-tarbiyadagi psixologik nuqsonlarni aniqlash, ularning aqliy rivojlanishida sodir bo’lishi mumkin bo’lgan har qanday salbiy og’ishlarning oldini olish;
o’quvchilar ta’lim muassasasining ijtimoiy muhitiga moslasha olmasligi holatlarini korrektsiyalash, ularni ijtimoiy reabilitatsiya qilish bo’yicha tadbirlarni tashkil etish va amalga oshirish;
pedagogik jamoalarda sog’lom psixologik muhitni yaratish va qo’llab-quvvatlash, jamoa a’zolarining hissiy-emotsional holatlari, shaxslararo munosabatlar va ziddiyatli xatti-harakatlarni korrektsiyalash, ularning psixologik madaniyatini yuksaltirish;
iste’dodli va iqtidorli o’quvchilarni aniqlash, ularning individual-psixologik, fiziologik xususiyatlari va qiziqishlarini o’rganish, qobiliyatlarini namoyon etishlari va rivojlantirishlari uchun shart-sharoitlar yaratish;
axborot-psixologik xurujlarning xavfi, Internet jahon axborot tarmog’ining salbiy ta’siri, yoshlar tarbiyasiga xavf solayotgan «ommaviy madaniyat»ning kirib kelishi holatlarining oldini olishga qaratilgan tadbirlarni o’tkazish;
pedagog xodimlar, o’quvchilar hamda ota-onalarning psixologik-pedagogik bilimlarini oshirishga ko’maklashish, pedagog xodimlar, ota-onalar va jamoat tashkilotlarining samarali hamkorligini ta’minlashdan iborat hisoblanadi.