Pedagogikasi va psixologiya

(2 nazorat sinfi)

4,41

Bundan ko’rinib turibdiki, axloqiy tarbiya tushunchalarini kengaytirilgan holda, didaktik vositalardan foydalanib o’quvchilar ongiga singdirish samarali natijalar beradi. Ta’lim va tarbiya berishda og’ishmay zamonaviy texnologiyalarda foydalanish o’quvchilarda bilim olishga bo’lgan ishtiyoqni yanada oshiradi.

Xulosa shuki, tarbiya darslarida o‘quvchlarni axloqiy tarbiyasini shakllantirishda o‘quv jarayoni samaradorligini, kafolatini ta’minlashning yagona yo‘li ta’lim oluvchining shaxsiy faolligiga erishishdir. Buning uchun ta’lim-tarbiya jarayonida, xususan, boshlang‘ich sinf tarbiya darslarida pedagogik texnologiyalarni samarali qo‘llash maqsadga muvofiqdir.
Umumiy xulosa
Boshlang’ich sinf o’quvchilarini tarbiyalash ta’lim-tarbiya jarayonida boshlang’ich sinf o’quvchilari ongiga tarbiyani singdirish, ularga ilmiy - nazariy asosga ega bo’lgan bilimlarni berish va chuqurlashtirib borish, o’quvchilarning tarbiya haqidagi bilimlarini egallash imkoniyatlarini aniqlash hamda ularda tarbiyalanganlik ko’nikmalarini hosil qilish uchun pedagogik shart-sharoit yaratish muhimdir. Shuning uchun ham kichik yoshdagi o’quvchilarni tarbiyalashda o’qituvchilarning quyidagilarga amal qilishi maqsadga muvofiqdir.

• 
  Abdulla Avloniy asarlari orqali o’quvchilar tomonidan o’zlashtirilgan tarbiyalanganlik asoslarini chuqurlashtirib borish;
  
• 
  o’quvchilarda tarbiya haqidagi bilimlarni o’rganishga bo’lgan ehtiyoji va qiziqishni yuzaga keltirish;
  
• 
  o’quvchilarda tarbiyaga nisbatan chuqur hurmatni uygotish;
  
• 
  o’quvchilarni har qanday ko’rinishdagi odobsizliklarga qarshi kurashga yo’naltirish;
  
• 
  o’quvchilarni tarbiyalash uchun shart - sharoit yaratish;
  

Tarbiyani amalga oshirishda zamonaviy tarbiya vositalaridan samarali foydalanish muhim ahamiyat kasb yetdi. Milliy urf-odatlarning kuchli vositasi bu kattalar bilan bo’lgan munosabat jarayonidir. U o’quvchi yoshlarning barcha yosh bosqichlarini qamrab oladi. Bolaning, ayniqsa, qichik maktab yoshiga munosib, tarbiyaviy ahamiyatga ega bo’lgan tarbiyalash ishlari boshlang’ich sinflarning darsliklarida berilgan mavzular o’quvchilarda milliy urf-odatlarning shakllanishiga katta ta’sir ko’rsatadi. Kichik maktab yoshidagi o’quvchilarning muomala odobi va axloq qoidalariga rioya qilishi muhimdir. Tarbiyalash jarayonida kichik maktab yoshidagi o’quvchilarning axloqiy ko’nikma va malakalari tarkib topadi va ularda inson uchun zarur bo’lgan axloqiy sifatlar shakllantiriladi. Buning uchun turli xil usul va vositalarni ishlab chiqib ta’lim-tarbiya jarayoni samaradorligini oshirish, unga mos ishlanmalar yaratish, milliy tarbiyalash jarayonida o’quvchilarning yosh xususiyatlarini hisobga olish va ularning yoshlariga mos holda didaktik materiallar tanlash, boshlang’ich sinf o’quvchilariga mos holda pedagogik va psixologik ta’sir ko’rsatish usullarini tanlash muhim ahamiyat kasb yetadi.
Shunday qilib, milliy tarbiyaga jamiyatimizda amalga oshiriladigan asosiy vazifalardan biri sifatida qarab, uning mazmuni va maqsadlarini targ’ibot qilish maqsadga muvofiq. Ana shunda tarbiya jarayoni hammaga tushunarli bo’lib, xalqchillashib: birinchidan, uning inson, millat, jamiyat hamda mamlakat hayotidagi mazmuni va maqomi oydinlashadi. ikkinchidan, ijtimoiy fikrda tarbiyaning boshqa ijtimoiy munosabat shakllari tizimidagi o’rni to’g’risidagi qarashlar rivojlanadi. uchinchidan, g’oyaviy-ma’naviy ishlarning jamiyat hayotidagi iqtisodiy, siyosiy, huquqiy, madaniy va boshqa sohalar kabi muhim yo’nalish sifatidagi mavqyei kuchayadi, to’rtinchidan, tarbiyaning ta’sirchanligi oshib, milliy urf-odat, milliy o’zlikni anglash to’g’risidagi ong, bilim, ko’nikma va malaka, dunyoqarashning ahamiyati ortadi.