Pedagogika V a psixologiya kafedrasi "ijtimoiy pedagogika"

3-topshiriq:Nutq buzilishini korreksiyalash metodlarining tasnifini shakllantirish
Namuna: «SHirin murabbo».Maqsad: Til harakatini faollashtirish.
O’yiniing borishi: Tarbiyachi bolalarga murabbo yalayotgan qizchaning rasmini ko’rsatib, shunday deydi: «Murabbo juda ham shirin. Qizchaning yuqorigi labiga surkalib qoldi. YUqorigi labga surkalib qolgan murabboni tilimiz bilan yalaymiz. Mana bunday (ko’rsatiladi). Murabboni endi sizlar tilingiz bilan yalanglar».
Metodik ko’rsatma: Mashqni takrorlash vaqtida bolalar til uchini pastki tishlarga tiramasin, fak,at til ishlasin. Lablar va pastki jag’ harakatsiz bo’lsin. Bu holatni nazorat qilib turish lozim.
«Tishimizni tozalaymiz». Maqsad: Til harakatini faollashtirish.
O’yinning borishi: Bolalar stulchalarida tarbiyachilarga qarab o’tirishadi. U bolalarga rasmni ko’rsatib, shunday deydi: «Qaranglar, mana bu bola tishini qanday tozalayapti. Hozir bizlar ham tishlarimizni tozalaymiz, faqat tish shyotkasi bilan emas, balki tilimiz bilan tozalaymiz. Qaranglar, men tishimni qanday tozalayman. (Tili bilan yuqorigi tishni ichki tomondan tozalaydi). Endi hammamiz tilimiz bilan yuqorigi tishlarimizni ichki tomonidan tozalaymiz. Tishlaringizni yaxshilab tozalanglar, tishlaringiz yaraqlab tursin».
Tarbiyachi bolalarni birma-bir chaqirib, til bilan tishlarni qanday tozalash kerakligini ko’rsatishni taklif etadi.
Metodik ko’rsatma: Mashqni og’izni ochib turgan holatda bajarish kerak. Tilning uchi yuqorigi kurak tishning ichki tomonidan bo’lib, o’ng va chap tomonga harakat qilish kerak. Bu paytda pastki jag’ va lablar harakatsiz bo’lishi lozim. Lablar kulgi holatda bo’lib, tishlar ko’rinib turadi. YUqorida aytilgan holatlarning barchasini tarbiyachi nazorat qilib borishi darkor.
«Otlar». Maqsad: Til uchini faollashtirish.
O’yinning borishi: Bolalar ketma-ket turadilar. Tarbiyachining «ketdik» deyishi bilan bolalar bir-birlarini ketlaridan yurib, otlarning tuyoq tovushini aks ettirish uchun til uchi bilan shaqillatadilar va belgilangan joyga kelib to’xtaydilar. Tarbiyachi shunday deydi: «Endi kimning oti tuyog’i bilan yaxshi taqillata olishini tekshiramiz». Tarbiyachi ikki bolani chiqarib, qarama-qarshi tomondan bir-biri tomon yurishni (Huddi otning yurishidek) taklif etadi. Qolgan bolalar ot tuyog’ining taqillashiga quloq solib turadilar. SHunday qilib, bolalar navbatma-navbat bu mashqni bajaradilar.