Pedagogika kafedrasi

V. Namoyish yoki himoya
(prezentatsiya) so‘nggi yillarda ta’lim jarayoniga 
faol tatbiq etilayotgan metodlardan biri bo‘lib, u ham o‘quvchilar o‘rtasida o‘zaro 
muloqot, fikr almashish va bahs-munozarani yuzaga keltirishga yordam beradi. 
Muayyan mavzu yoki muammo bo‘yicha namoyish yoki himoya (prezentatsiya) 
oldindan tayyorlanadi va ularni tayyorlash uchun ma’lum vaqt belgilanadi. Ularni 
tayyorlashda qanday yo‘l tutish zarurligini o‘quvchilarning o‘zlari belgilaydi, 
shaxsiy tajribadan kelib chiqqan holda muammoning asosiy masalalari 
muhokamaga olib chiqiladi. O‘quvchilar tomonidan namoyish yoki himoya 
(prezentatsiya)ni tayyorlashda o‘qituvchi maslahatchi rolini bajarib, zarur 
o‘rinlarda nazariy hamda metodik jihatdan yordam ko‘rsatadi. Namoyish yoki 
himoya (prezentatsiya) ijodiy xarakterga ega bo‘lib, o‘quvchilar ularni individual 
yoki guruh asosida tayyorlashlari mumkin. O‘quvchilarning shaxsiy tajribalari, 
ijodiy qobiliyatlari hamda tanlangan (yoki o‘rganilishi talab etilgan) mavzu 

---

59 
(muammo)ni qay darajada chuqur bilishlari namoyish, himoya (prezentatsiya)ning 
rasmiylashtirilishi, bezatilishida samaraga erishishni kafolatlaydi.