«pedagogika» kafedrasi fani bo’yicha O’quv-uslubiy majmua tuzuvchilar

Мустақил ишларни ташкил этишнинг шакли ва мазмуни

Талабалар мустақил ишларининг асосий мақсади – фан ўқитувчиси раҳбарлиги ва назорати остида талабалар томонидан муайян мавзуларни мустақил ўрганиш, ўзлаштирилган назарий билимларни янада бойитиш, уларни амалиётда қўллай олиш кўникма-малакаларни ҳосил қилиш, ривожлантиришдан иборат.

Фан юзасидан мустақил ишларни ташкил этишда ҳар бир талабанинг билим, кўникма ва малакаларни ўзлаштириш даражаси, қобилияти инобатга олинади. Талабаларнинг мустақил ишлари қуйидаги шаклларда ташкил этилади:

- айрим назарий мавзуларни ўқув адабиётлари ёрдамида мустақил ўзлаштириш;

- берилган мавзу бўйича реферат тайёрлаш;

- назарий билимларни амалиётда қўллаш;

- семинар, лаборатория машғулотлари, талабаларнинг фан олимпиадалари ва конференцияларига тайёргарлик кўриш;

- макет, схема, жадвал, илмий мақола, технологик паспорт ва харита тайёрлаш.

Талабаларнинг мустақил ишларини назорат қилиш ўқув машғулотларини олиб борадиган ўқитувчи томонидан амалга оширилади. Фан бўйича мустақил иш топшириқлари тегишли кафедра профессори томонидан ўқув машғулотини бевосита олиб борувчи ўқитувчи билан биргаликда ишлаб чиқилиб, кафедра мудири томонидан тасдиқланади.

Мустақил ишни бажаришда талабалар учун дарслик ва ўқув қўлланмалар, методик қўлланмалар, кўрсатмалар, маълумотлар тўплами,, илмий ва оммавий даврий нашрлар, Интернет тармоғи маълумотлари, берилган мавзу бўйича аввал бажарилган ишлар банки ва бошқалар ахборот манбаси бўлиб хизмат қилади.

“Педагогик маҳорат” фани бўйича талабаларнинг эътиборларига мустақил ишларнинг қуйидаги мавзулари тавсия қилинади:

1. 
   Педагогик маҳорат ҳақида тушунча, унинг ўқитувчи фаолиятида тутган ўрни ва аҳамияти.
   
2. 
   Педагогик фикр тарихи ва мактаб амалиётида ўқитувчи маҳорати масалалари.
   
3. 
   Ўқитувчи фаолиятида педагогик қобилият.
   
4. 
   Педагогик бошқарув маҳорати.
   
5. 
   Ўқитувчининг коммуникатив қобилияти.
   
6. 
   Педагогик одоб ва педагогик назокат.
   
7. 
   Педагогик техника.
   
8. 
   Нутқ техникаси.
   
9. 
   Нутқ маданияти, нотиқлик санъати ва омма (ўқувчилар) олдида нутқ сўзлаш.
   
10. 
    Ўқитувчи ва ўқувчи ҳамкорлиги (педагогик ҳамкорлик).
    
11. 
    Педагогик низолар ва уларга оқилона ёндашув.
    
12. 
    Таълим ва тарбия жараёнларида муваффақиятли вазиятларни яратиш.
    
13. 
    Педагогик фаолиятни илмий асосда ташкил этиш.
    
14. 
    Педагогик фаолиятни ташкил этишга ижодий ёндашиш ва педагогик тажриба тўплаш.