Pedagogika javoblar Korreksion pedagogika fani va uning dolzarb masalalari

194. O`zbekistonda SOS - bolalar mahallasining faoliyati.
SOS bolalar mahallalarida bolalar mehribonlik uylarida emas, balki oddiy insonlar kabi mahallada, o’z uyida,oilada tarbiyalanadi. SOS bolalar mahallasini tashkil etishdan maqsad yetim, tarbiyaga muhtoj bolalarni ijtimoiylashtirish, jamiyatga moslashtirish, ularni sog’lom oila muhitida tarbiyalash hisoblanadi. Bunday oilada tarbiyalangan bolalar mehribonlik uylarida tarbiyalangan bolalarga nisbatan oila muhitini his qiladi, eng muhimi bunday bolalarda mehr-muhabbat, do’stlik, insoniy tuyg’ular, munosabatlar yaxshi shakllanadi.
Ilk SOS(Save Our Souls) mahallalar 1949-yilda Avstriyaning Imst shahrida ish boshlagan. Asoschisi: G. Gmayner
O’zbekiston Respublikasi Vazirlar Mahkamasining 1997-yil 31-dekabrdagi “ O’zbekiston Bolalar mahallalari Assotsiatsiyasini tashkil etish to’g’risida”gi qaroriga asosan, yurtimizda bunday mahallalar qurila boshlandi. Dastlab Toshkent shahrida 14 oilaga mo’ljallangan uy, o’yin va sport maydonchalari, ma’muriyat binosi, ishchi xizmatchilar uchun xonalardan iborat barcha shart-sharoitlar muhayyo qilindi. 2000-yildan boshlab bu dargohda SOS- oila, SOS-onalar birinchi bor bolalarni qabul qildi.
195. Ijtimoiy pedagogik nuqtai nazardan oila turlari
Oila tipologiyasi ijtimoiy moslashuv darajasi bo’yicha farq qiluvchi to’rttaasosiy kategoriya asosida shakllanadi:
Yaxshi oilalar-o’z vazifalarini muvaffaqiyatli amalga oshirishadi, o’z bolasi ehtiyojlariga tez ko’nikishadi. Muammo paydo bo’lib qolsa ularga bir karra yordam ko’rsatish kifoya.
Tavakkalchi oilalarda- adaptativ qobiliyatlar pastroq. Ular bola tarbiyasini qiyinchilik bilan eplashadi va ijtimoiy pedagog yordami va nazoratiga ehtiyoj sezadilar.
Muvaffaqiyatsiz oilalar -hayotiy faoliyatning biror-bir sohasida past ijtimoiy maqomga ega bo’lib, ular o’zlariga yuklatilgan vazifalarni bajara olmaydilar, ularning adaptativ imkoniyatlari past, bola tarbiyasi jarayoni katta qiyinchiliklar bilan sekin kechadi. Bu oila turi uchun ijtimoiy pedagogning faol yordami zarur. Muammolari xarakteridan kelib chiqib pedagog ularga ta’lim, psixologik yordamlar ko’rsatadi.