“Педагогика” фанини ўқитиш бўйича ўқув-услубий мажмуа

3. “Ажурли арра” (французча “ajour” – “бир ёқдан иккинчи ёққа ўтган, икки томони очиқ”) методи талабаларга яхлит муайян мавзу ёки масалани бир нечта қисмларга ажратиш орқали унинг моҳиятини ёритиш имконини беради. Талабалар тайёр матнлар билан ишлайдилар. Методни машғулот жараёнида қўллаш қуйидаги таҳлитда амалга оширилади: 1) ўқитувчи талабаларни метод моҳияти билан таништиради; 2) талабаларни гуруҳларга ажратади; 3) талабаларга ҳавола этиладиган материаллар матни бир нечта қисмларга ажратилган ҳолда қирқилади; 4) матнли материаллар жойлаштирилган пакет гуруҳларга тарқатилади; 5) гуруҳлар матнли материаллардан фойдаланиб, топшириқни бажарадилар; 6) топшириқ бажариб бўлингач, турлари гуруҳлардан матнни яхши ўзлаштирган талабалар ажратиб олиниб, улардан иборат экспертлар гуруҳи шакллантирилади; 7) эксперт гуруҳи аъзолари ўзлари ўзлаштирган материал мазмунини бошқаларга етказиш режасини тузадилар; 8) экспертлар гуруҳи аъзолари ўзлари ўзлаштирган материал мазмунини бошқа гуруҳларга ҳам ўргатадилар.
Методни қўллашда талабаларнинг мавзуни пухта ўзлаштирганликлари, ўзлари эга бўлган билимларни бошқаларга етказиб бериш лаёқатига эга бўлишлари муҳим саналади.
“Ажурли арра” методининг технологик модели қуйидагичадир:


5-6-мавзулар: Таълим методлари ва воситалари.
Таълимни ташхис этиш
Машғулот учун материаллар
I. Талабалар учун топшириқ.
Мавзуга оид саволларга жавоб беринг.
Талабаларнинг эътиборларига қуйидаги саволлар тавсия этилади:
1. “Метод” ҳамда “таълим методи” тушунчалари қандай маънони англатади?
2. Таълим методлари қандай функцияларни бажаради?
3. “Таълим усуллари” нима?
4. Таълим методлари қандай турларга бўлинади?
5. Оғзаки баён қилиш методлари нималардан иборат?
6. Қандай методлар кўргазмали методлар саналади?
7. Амалий методлар ўз ичига қандай методларни олади?
8. Таълим методларини танлашда ўқитувчи нималарни инобатга олиши лозим?
9. “Интерфаол методлар” деганда нимани тушунасиз?