“Педагогика” фанини ўқитиш бўйича ўқув-услубий мажмуа

2. “Моделлаштириш” (“modulus” – ўлчов, меъёр) методи талабаларда ўзлаштирилган мавзу, масала ёки ҳал қилинган муаммо юзасидан мантиқий фикрлаш, мавзу, масала ёки ҳал қилинган муаммонинг умумий моҳиятини модел (шартли белги)лар ёрдамида тасвир шаклида ифоадлай олиш кўникмаларини шакллантиришга хизмат қилади. Методни қўллашда танланган объект моҳиятини, муҳим хусусиятларини, устувор жиҳатларини тўла очиб беришга алоҳида эътибор қаратилади. Машғулотларда ушбу методдан фойдаланиш қуйидаги босқичларда амалга оширилади: 1) талабалар мавзу (масала, муаммо) моҳиятини пухта англайдилар; 2) мавзу (масала, муаммо) моҳиятини тўлақонли ифода этадиган асосий жиҳатлар, таянч тушунчаларни ажратадилар; 3) улар ёрдамида умумий моделни яратадилар; 4) модел ёрдамида ўрганилган мавзу (масала, муаммо)нинг моҳияти тўғрисида жамоага маълумот берадилар; 5) таклиф этилган моделнинг мақсадга мувофиқ яратилганлиги, мавзу (масала, муаммо) моҳиятини очиб бера олиши жамоа томонидан муҳокама қилинади.


Маърузада талабаларга бериладиган топшириқ:


2-мавзу: Педагогика фанининг предмети, мақсади, вазифаси,
илмий тадқиқот методлари
Режа:
1. Педагогика предмети.
2. Ижтимоий тарбия ва унинг босқичлари.
3. Педагогика фанининг вазифалари.
4. Педагогика фанининг асосий категориялари.
5. Педагогиканинг бошқа фанлар билан алоқаси.
6. Педагогика фанлари тизими.
7. Педагогик тадқиқот методлари.


Педагогика предмети. Педагогика (юнонча “paidagogike”– “paidagogos” “бола” ва “етаклайман”) ижтимоий фанлар тизимига кирувчи фан саналиб, шахсни шакллантиришга қаратилган тизимли фаолият мазмуни, таълим, ижтимоий тарбиянинг умумий қонуниятлари, шакллари, методлари, воситалари, ягона ижтимоий мақсад асосида ёш авлодни миллий истиқлол ғояси руҳида тарбиялаш, унга таълим бериш муаммоларини ўрганади. А.Авлоний тушунчани “бола тарбиясининг фани” (“педагогия”) деб атайди.
Педагогика фани шахсни ривожлантиришнинг икки муҳим жиҳати, уни ўқитиш ва тарбиялашга эътиборни қаратади. Шу боис дидактика (таълим назарияси) ва тарбия назарияси Педагогика фаннинг муҳим таркибий қисмлари ҳисобланади.

Таълим умумий ва махсус таълим каби турларга ажратилади. Умумий

Педагогика фанининг муҳим таркибий қисмларидан яна бири – бу тарбия назарияси саналади. Тарбия назарияси бевосита тарбия жараёнини ўрганади.

Ижтимоий тарбия ақлий, ахлоқий, жисмоний, меҳнат, эстетик, иқтисодий, ҳуқуқий, экологик ва жинсий тарбия каби йўналишларда ташкил

этилади.