“Педагогика” фанини ўқитиш бўйича ўқув-услубий мажмуа

Олий ўқув юртидан кейинги таълим жамиятнинг олий малакали илмий ва илмий-педагог кадрларга бўлган эҳтиёжларини қондириш, шахснинг касб-ҳунар манфаатларини қаноатлантиришга қаратилиб, мустақил тадқиқотчилик фаолиятини ташкил этиш асосида амалга оширилади.
Кадрлар малакасини ошириш ва уларни қайта тайёрлаш жараёнида асосий эътибор мутахассисларнинг касб билимлари ва кўникмаларини янгилаш ҳамда чуқурлаштиришга қаратилади.
Мактабдан ташқари таълим мактабдан ташқари давлат ва нодавлат таълим муассасаларида давлат органлари, жамоат ташкилотлари, юридик ва жисмоний шахслар томонидан маданий-эстетик, илмий, техникавий, спорт ва бошқа йўналишларда йўлга қўйилиб, болалар ҳамда ўсмирларнинг таълимга бўлган, якка тартибдаги, ортиб борувчи талаб-эҳтиёжларини қондириш, уларнинг бўш вақти ва дам олишини ташкил этиш мақсадида олиб борилади.


Ҳозирги даврда жаҳонда таълим тизимининг аҳволи. Таълим жамиятнинг ижтимоий-иқтисолдий ва маданий тараққиётига мос равишда ривожланиб боради. Ривожланган хорижий давлатлар ўзларининг пухта асосланган таълим тизимларига эгадирлар. Бу ўринда АҚШ, Франция, Япония давлатлари таълим тизимларининг моҳияти ёритилади.
1. АҚШ таълим тизими. Ушбу мамлакатда таълим тизими қуйидаги босқичларни ўз ичига олади:

АҚШда мажбурий таълим 16 ёшгача бўлган болаларни қамраб олади. Мамлакатда фаолият юритаётган ўқув юртлари давлат, жамоа, хусусий тасарруфлар ҳамда диний муассасаларга тегишли бўлиши мумкин.

Америка Қўшма Штатларининг мактаблари учун ягона ўқув режаси мавжуд эмас. Ҳар бир штат ўз ўқув режасига эга. Шунга кўра Штатларда бошланғич таълим 4, 5, 6 ва 8 йиллик бўлиши мумкин.
2. Япония таълим тизими. Япония таълим тизими ўз ичига мактабгача таълим муассасалари, бошланғич мактаблар, юқори ўрта мактаблар ва олий таълим берадиган университетларни олади. Шунга кўра таълим тизими қуйидаги босқичларда ташкил этилади:

Олий таълим тизимига кирган бўлса-да, ўрта махсус таълим берадиган кичик коллеж, техник коллеж, махсус тайёргарликдан ўтиш имконини берувчи коллежлар ҳам мавжуд. Японияда фаолият олиб бораётган 460 та университетнинг ярмидан кўпи хусусийдир.