Pedagogika fakulteti psixologiya kafedrasi

Topshiriq va savollar.

1. 
   Yosh oila psixologik izlanishlarning ob’ekti sifatida, o‘zaro munosabatlarning modeli va xususiyatlari.
   
2. 
   Yosh oila muammolari yuzaga kelishi sabablarini izohlang.
   
3. 
   Sherigini ideallashtirish.
   
4. 
   Oilada adaptatsiya va integratsiya haqida ma’lumot bering.
   
5. 
   Moddiy-maishiy adaptatsiya. Axloqiy - psixologik adaptatsiya.
   
6. 
   Shaxsiy-intim adaptatsiya haqida ma’lumot bering.
   
7. 
   Oila integratsiyasi mexanizmlarini izohlang.
   
8. 
   Turmush qurishning umumiy motivatsiyasi.
   

Mavzu yuzasidan keys topshirig’i
Norov Bekzod 26 yosh, magistraturaning ikkinchi bosqichida o‘qiydi. Turmush o‘rtog‘i Xafiza 22 yosh, o‘rta ma’lumotli.

YOsh er-xotinlar bir-birlarini yaxshi bilishmaydi. CHunki, er-xotin shu kunga qadar birgalikda hatto bir oy ham yashamagan. Tuydan ikki hafta o‘tib Bekzod Toshkentga magistraturaga o‘qishga keladi. Xotini Xafiza esa kelinlik vazifasini bajarib, Surxondaryoda uyda qoladi. YOsh er-xotinlarning otalari bir-birlarini yaxshi tanishadi, ular sinfdosh-o‘rtoq. Bekzodning tez-tez Surxondaryoga borish imkoniyati yo‘q. Mana 3 oydan beri Xafiza kunda-kun ora telefon qilib, “to‘rt devor orasida o‘tirish uchun turmushga chiqmaganligini”, uni ham Toshkentga olib ketishini, aks holda ota-onasi uyiga ketib qolishini aytyapti. Bekzod bu gaplarni ota-onasiga aytganda esa, uyda kuchli nizoli vaziyat yuzaga keldi. Onasi “ne umidlar bilan tuy qilganini, kelin olib xizmatini ko‘rmasa, buning o‘rniga o‘g‘lidan ham ayrilib qolayotganligini” aytib yig‘ladi. Otasi esa o‘g‘lini “har narsada xotinning gapiga kiravermaslik kerak”, deb koyib berdi. SHu bilan birga, hali to‘yga ketgan harajatlar bo‘yicha ham oilaning moddiy masalalarida yordam berishi kerakligini ta’kidladi. Qaynotalar o‘rtasida ham o‘zaro kelishmovchiliklar bo‘lib o‘tdi, bu ularning do‘stligini buzdi. Kaynona-kelin munosabatlari ham dars keta boshladi. Bekzod ham ota-onasi bilan aytishib qoldi. SHu bilan birga xotinidan ham hafa bo‘lib uyga qo‘ng‘iroq qilmay qo‘ydi. Telefon qo‘ng‘iroqlariga ham javob bermay qo‘ydi. Hafisa ota-onasining uyiga arazlab ketib qoldi. Ne umidlar bilan qurilgan oila tinchligi buzildi.

Mazkur vaziyatga aniqlik kiriting. Er-xotin o‘rtasidagi munosabatlarning asl sababi nimada deb o‘ylaysiz?