Педагогика 5111800 Мактабгача таълим

Болалар боғчаси (ясли-боғча) тарбиячи – услубиётчиси лавозимининг малака тавсифлари
Болалар боғчаси (ясли-боғча) тарбиячи – услубиётчиси лавозимининг мажбуриятларига қуйидагилар киради:
а) болалар боғчаси (ясли-боғча) жамоаси ўқув-тарбиявий фаолиятига методик рахбарлик қилади, барча ёш гурухларида болаларни тарбиялаш ва ўқитиш дастурларининг бажарилишини таъминлайди ва назорат қилади, бевосита болалар билан ишловчи тарбиячиларга ва тиббий хамшираларга зарур методик ёрдам кўрсатади.
б) болалар боғчасида методик кабинет ишини ташкил қилади, болаларни тарбиялаш ва ўқитиш бўйича йўриқнома-методик материалларни умумлаштиради, илғор тарбияни ўрганади ва умумлаштиради, тарбиячилар ва тиббий хамширалар орасида тажриба алмашиш ишларини ташкил қилади тарбиячилар учун уларга амалий ёрдам бериш мақсадида маслахатлар ўтказади;
в) болалар тарбиячисининг долзарб масалаларини педагогик кенгашнинг мухакамасига қўяди, педагогик кенгашларга материаллар тайёрлаш ва унда тарбиячиларнинг фаол иштирокини таъминлайди, қабул қилинган қарорларнинг бажарилишини назорат қилади, ота-оналар орасида педагогик билимларнинг ташвиқоти бўйича, болалар боғчалар ва мактаблардаги турли ёш гурухлари бўйича тарбиячилар ишида изчилликни таъминлаш бўйича ишни ташкил қилади.
Болалар боғчаси (ясли-боғча) тарбиячи-услубиётчиси қуйидагиларни билиши керак:
а) “Таълим тўғрисида”ги, “Кадрлар тайёрлаш миллий дастури тўғрисида”ги қонунларини, мактабгача таълимга қўйилган давлат талабларининг мазмунини, хукуматнинг тегишли қарорлари, Халқ таълими вазирлигининг буйруқлари, фармойишлари, буйруқномалари, методик ва меъёрий хужжатларини, болаларни мактаб таълимига тайёрлаш дастури ва тарбиявий ишлар концепциясини;
б) мактабгача педагогика ва психологияни, мактабгача ёшдаги болаларни ўқитиш ва тарбиялаш шакл ва методларини, мактабгача таълимга давлат талабларини назорат қилиш шакллари ва методларини, болалар ҳаёти ва соғлиғини муҳофаза қилиш қоидаларини;
в) педагогик фан ва аиалиётда ишлаб чиқилган меъёрий - методик хужжатларни, ўқув ва тарбия жараёниад ўқитиш техникавий воситалардан фойдаланиш амалиётини.
Болалар боғчаси (ясли-боғча) тарбиячи-услубиётчиси лавозимига қуйидаги малака талалари қўйилади:
а) Олий ёки ўрта махсус педагогик (мактабгача) маълумот;
б) уч йилдан кам бўлмаган педагогик иш стажи.