Pedagogika 018, 1-son Bosh muharrir

PEDAGOGIKA 2018, 5-son
 
16 
 
o‘zini tutish qoidalari, matnli, raqamli va grafik ma’lumotlarni ishlab chiqishda 
axborot texnologiyalaridan foydalanish, ma’lumotlar bazasini shakllantirish, 
axborot tizimlari turlarini bilish bilan bog‘liq talablar qo‘yilgan.
Texnologiyaning prosessual tarkibiy qismi o‘quv-tarbiyaviy jarayonning 
shakli, metodi, vositalari va shart-sharoitlarini o‘z ichiga oladi. Bunda nazariy 
bilimlarning bosqichma-bosqich egallanishi, mustaqil ta’lim, mustaqil 
takomillashish va o‘z o‘rnini mustaqil topishga yordam beruvchi axborot malaka 
va ko‘nikmalar, shaxs xislatlarining shakllanishi bosqichma-bosqich amalga 
oshirilishi nazarda tutiladi. 
Nazariy metod ma’ruzalar, suhbatlar, muzokaralarni, amaliy metod esa 
loyihalar, ishga oid o‘yinlar, tadqiqotlar va boshqalarni o‘z ichiga oladi. 
Bularni amalga oshirishda darsning aralashgan, amaliy ishlar, laboratoriya 
mashg‘ulotlari, loyihaviy o‘quv mashg‘ulotlari, konsultatsiyalar kabi 
shakllaridan; o‘quv axborotlaridan darslik, o‘quv va elektron darsliklar, texnik – 
personal kompyuter va axborot-kommunikatsion texnologiyalar kabi o‘qitish 
vositalaridan foydalaniladi. 
Texnologiyaning 
baholovchi-to‘g‘rilovchi 
tarkibiy 
qismi 
axborot 
kompetentligi shakllanganligining mezonlarini ishlab chiqish, talabalar 
tomonidan o‘quv materialining egallanishidagi baholash tizimi, metodlari va 
jarayonlarini aniqlashtirishni o‘z ichiga oladi. Mazkur tarkibiy qism axborot 
faoliyatida mavjud bilimlardan foydalanishga talabalarning tayyorligi va 
qobiliyati, mustaqil ta’lim, mustaqil takomillashish va mustaqil o‘z o‘rnini 
topishga bo‘lgan ehtiyojni ko‘rib chiqadi. Bu shaxsiy xususiyatlar va tayyorgarlik 
darajasiga ko‘ra talabalar tomonidan ish maromi, o‘quv maqsadiga erishish 
bosqichlari navbatma-navbatligi, samarali treningning individual tanlanishiga 
imkoniyat beradi, shaxs xislatlarini rivojlantiradi.
Talabalarda axborot kompetentligini shakllantirish bo‘yicha taqdim 
etilayotgan model va amalga oshirish texnologiyasi eksperimental tadqiqot 
mobaynida sinovdan o‘tgan. Mazkur tadqiqot mobaynida olingan natijalarning 
joriy etilishi umumdidaktik ahamiyatga ega.