Pedagogika 016, 1-son Bosh muharrir

PEDAGOGIKA
2016, 1-son
 
 
34 
strategik dasturlarning ishlab chiqilishini tashkillashtirish; 
4) istiqbolli rejalashtirish bilan bog‘liq ishlanmalarni yaratish. 
Strategik rejalashtirish jarayonida quyidagi tamoyillarga amal qilinishi 
zarur: 
1) strategik reja ta’lim muassasasining raqobatbardoshligini oshirishga 
yо‘naltirilgan kichik hajmdagi hujjat bо‘lib, istiqbolni kо‘ra olish bilan bog‘liqlikda 
tezkor qarorlar qabul qilishda ma’muriyat va xodimlar uchun mо‘ljalni tо‘g‘ri 
olishga imkon beradi. Strategik reja boshqa turdagi rejalarni bekor qilmaydi va 
yо‘qqa chiqarmaydi, faqat ta’lim muassasasini rivojlantirishning eng muhim 
yо‘nalishlarini aniqlab berishga xizmat qiladi; 
2) strategik reja xususiy-umumiy hamkorlik asosida oshkora tarzda ishlab 
chiqiladi va amalga oshiriladi. Strategik reja – bu me’yoriy hujjatgina emas, bu 
ta’lim muassasasi uchun strategik ahamiyatga ega bо‘lgan faoliyat 
ishtirokchilarining о‘zaro birgalikdagi qiziqishlari, aniq chora-tadbirlar bilan 
bog‘liq kelishuvlar majmuasi; 
3) strategik rejada istiqbolni kо‘ra olish bilan aniq belgilangan harakatlar 
uyg‘unlashadi. Bunday reja uchun voqelikning keyingi rivojini chuqur bashorat 
qilish va belgilangan harakatlarning davomiyligi xosdir; 
4) strategik rejalashtirish uzluksiz jarayon bо‘lib, strategik rejani ishlab 
chiqish va amalga oshirish monitoring tizimi vositasida hamda strategik hamkorlik 
mexanizmi asosida tuzatish kiritishning uzviyligi orqali ta’minlanadi; 
Strategik reja ta’lim muassasasi rivojining umumiy yо‘nalganligi 
(strategiyasi)ni aniqlab beradi. Uning markazida ta’lim muassasasining salohiyati, 
kuchli va kuchsiz tomonlarini tahlil qilish asosida kо‘proq istiqbolli yо‘nalishlarni 
aniqlash turadi.
Strategik rejaning mazmuni quyidagi tarkibiy qismlardan iborat bо‘ladi: 
1) muayyan bosqichda ta’lim muassasasini rivojlantirishning bosh g‘oyasi; 
2) bosh maqsadga erishishning asosiy strategik yо‘nalishlari; 
3) strategik yо‘nalishlar doirasidagi maqsadlar; 
4) tanlab olingan strategiyalarni amalga oshirishga doir aniq chora-
tadbirlar. 
Yuqoridagi fikrlarni umumlashtirish asosida strategik rejalashtirish 
masalasiga doir quyidagi xulosalarga kelish mumkin: 
1. Strategik rejalashtirish ta’lim muassasasining о‘z maqsadlariga maqbul 
darajada erishish uchun qо‘llaniladigan harakatlar yig‘indisidir. 
2. Strategik rejalashtirishning mohiyati ta’lim muassasasining maqsadlarga 
erishishga qaratilgan о‘ziga xos strategiyasini ishlab chiqishdan iborat. 

---